Puntata e sotme e rubrikës Dosja Investigative e gazetarit Elio Laze në Channel One, solli faktet tronditëse se si studentët e UBT vidhen nga institucioni ku ata studiojnë.<br /><br />Një denoncim I mbërritur në redaksinë e CH1 muaj përpara na sinjalizoi që studentët e UBT paguajnë deri në 50 % më shumë tarifë se Vendimi i Këshillit të Ministrave.<br /><br />Intervistat e studentëve e konfirmuan një gjë të tillë. Por zv/Rektori I UBT Remzi Keco e mohoi një gjë të tillë.<br /><br />Dosja Investigative arriti të sigurojë mandatet e paguara nga studentët. Mandatet e bankës si dhe ato të gjeneruara nga sistemi elektronik i UBT. Vjedhja duket qartë. Studentët kanë paguar deri në 50 % më shumë se sa Këshilli I Ministrave ka vendosur.<br /><br />Për këtë cështje u intervistua edhe rektori I UBT z. Bahri Musabelliu i cili edhe pse përballë iu vunë mandatet e studentëve sërish nuk e pranon një gjë të tillë dhe e quan shpifje.<br /><br />Ndërkohë zv/rektori, Remzi Keço i cili në intervistën e parë e mohoi një gjë të tillë, kësaj radhe zgjodhi që ta heqë përgjegjësinë nga vetja duke na adresuar tek administratori i UBT.<br /><br />Ndërkohë ndryshe nga rektori Musabelliu, shefja e financës e UBT pranon pjesërisht vjedhjen dhe na garanton që këto lekë do i kthehen studentëve mbrapsht.<br /><br />Për këtë çështje policia nisi një hetim si dhe ka referuar rastin në Prokurorinë e Tiranës.<br /><br />Për më shumë, ndiqni videon e plotë të puntatës së sotme të rubrikës Dosja Investigative të gazetarit Elio Laze.
