Reshjet e dëborës e kanë ulur intensitetin. Akset kryesore rrugore të vendit janë të kalueshme. Por në zona të thella malore, dëbora po i mban të bllokuara rrugët e disa fshatrave.<br /><br />Në Jug, lëvizja e makinave bëhet pa zinxhir. Ndërsa në Veri ka probleme në disa rrugë të Kukësit e Dibrës.<br /><br />Kukës-Bushtricë kalohet pjesërisht me zinxhir, ndërsa Domaj ? Draj Reç vetëm me zinxhir.<br /><br />Në Dibër zinxhirët janë të domosdoshëm në rrugët Kuben-Vasije, Peshkopi- Qafë Drajë, Ura Çerenecit-Steblevë, Qafë Bualli-Krastë, Burrel-Komsi dhe Bulqizë-Fushë Bulqizë, ku erëra të forta e grumbullojnë borën në rrugë.<br /><br />Ministrja e Mbrojtjes, Olta Xhacka, që ishte në këtë rajon garantoi monitorim të të gjitha rrugëve dhe të kompanive që janë kontraktuar për mirëmbajtjen e tyre.<br /><br />Në Elbasan, në rrugën Librazhd-Steblevë rekomandohet përdorimi i zinxhirëve pasi në vendin e quajtur Shkalla e Lunikut, ku ka akull në trashësi të konsiderueshme.<br /><br />Në njësinë administrative Orenjë, ekipet e OSHEE ?së janë shpërndarë në terren për të riparuar dëmet e shkaktuara nga moti.<br /><br />Shtabi i Emergjencave i erdhi ne ndihme një emergjence mjekësore në fshatin Dorës.<br /><br />Ministrja e Shëndetësisë, Ogerta Manastirliu ishte në Komsi të Burrelit, ku garantoi gatishmërinë e stafit mjekësor për t?iu përgjigjur nevojave të qytetareve në këto dite të vështira.<br /><br />Në Krujë, tre fshatra të malësisë janë të bllokuara. Në Parkun Kombëtar të Qafë Shtamës duhen përdorur zinxhirët.<br /><br />Herë pas here këto zona kanë probleme me energjinë elektrike, pasi dëmtohen linjat elektrike nga erërat e forta.<br /><br />Autoriteti Rrugor Shqiptar thotë se kompanitë e mirëmbajtjes së rrugës janë 24 orë në punë për të pastruar të gjitha akset nga dëbora e për të evituar bllokimin e tyre.
