Subscribe në Ora News këtu http://bit.ly/1s5j7UT<br />#oranews<br />Nëntë persona janë shoqëruar në polici në lidhje me ngjarjen e rëndë të ndodhur mbrëmjen e të shtunës në Durrës.<br /><br />Tre persona të maskuar kanë hyrë me dhunë në shtëpinë e një biznesmeni në Shkozet ku kanë lidhur anëtarët e familjes me litar dhe sipas policisë, kanë grabitur 10 mijë e 800 euro.<br /><br />Sipërmarrësi i dëmtuar nga kjo ngjarje mësohet se është Elton Kelmendi me aktivitet në fushën e transporteve. Autorët dyshohet se kanë ndjekur lëvizjet e biznesmenit i cili kishte dalë për një kafe me gruan dhe djalin.<br /><br />Teksa kthehej në shtëpi sipërmarrësi është përballur me autorët që prisnin tek dera e jashtme e banesës. Pasi i kanë vënë armën në kokë, tre personat kanë hyrë brenda dhe kanë lidhur bashkëshortët.<br /><br />Në largim, grabitësit kanë rrëmbyer dhe djalin i cili është lënë i lirë disa kilometër më tej kur mjeti i autorëve ka dalë në rrugën kryesore për tu larguar drejt Shijakut. Pasi është kthyer në banesë ai ka liruar prindërit duke bërë më pas dhe denoncimin e ngjarjes në policinë e Durrësit.<br /><br />Forcat e rendit ngritën postblloqe ne të gjithë zonën ndërsa në pyetje janë marrë dhe familjarët e biznesmenit, të cilët kanë dëshmuar për personat që kanë dijeni mbi paratë që familja mban në shtëpi.<br /><br />Nga dëshmitë e anëtarëve të familjes së biznesmenit është zbardhur edhe fakti se agresorët kanë qenë të veshur me uniforma të forcave speciale të policisë.<br /><br />Ndërkohë pak minuta më vonë një tjetër grabitje është denoncuar në qarkun e Durrësit. Dy persona të maskuar kanë ndaluar një automjet tip Benz në zonën e Thumanës në Fushë Krujë. Pasi kanë zbritur dy udhëtarët, të cilët mësohet se ishin banorë të Kukësit, agresorët kanë grabitur automjetin dhe janë larguar.<br /><br />Në një deklaratë policia tha se shtetasi me iniciale A.K., kishte ndalur mjetin në rrugë dhe e kishte lënë ndezur, në momentin kur persona ende të paidentifikuar i kanë marrë makinën duke e kërcënuar dhe janë larguar.<br />Për më shumë lexoni në: <br />http://oranews.tv/article/grabitja-e-biznesmenit-ne-durres-9-te-shoqeruar-asnje-i-arrestuar
