http://www.vizionplus.tv<br />https://facebook.com/VizionPlusTV<br />https://instagram.com/VizionPlusTv<br />https://twitter.com/VizionPlusTV<br />Voskopoja është padyshim një nga destinacionet turistike që nuk duhet humbur, veçanërisht në stinën e dimrit. E fatmirësisht, pas reshjeve të fundit rruga nga Korça e deri në fshat është e kalueshme pa probleme.<br /><br /><br /><br />Kjo ka shtuar numrin e vizitorëve gjatë fundjavës.<br /><br /><br /><br />Dëbora që ka mbuluar gjithçka ka sjellë fluks në rrugët e Voskopojës, edhe pse temperaturat arrijnë në disa gradë nën zero.<br /><br /><br /><br />Voskopoja njihet edhe për kampionë në sportin e skive si për femra ashtu edhe për meshkuj.<br /><br /><br /><br />Anton Falo dikur një kampion, një sportist me emër në skijim, sot drejton një nga bujtinat e shumta në këtë zonë turistike.<br /><br /><br /><br />Bujtinat e hotelet në Voskopojë në çdo fundjavë janë të mbushura plot, gjë të cilën e pranon edhe Ferdinand Bebri, një prej operatorëve turistikë të fshatit. Ai thotë se turistët janë edhe më të shumtë në këto ditë me borë.<br /><br /><br /><br />Voskopoja në çdo stinë të vitit tërheq vizitorë e turistë të shumtë vendas e të huaj. I vetmi problem këtë vit ishte kalimi i rrugës në kohën e reshjeve masive të dëborës që krijuan vështirësi në qarkullim.
