Subscribe në Ora News këtu http://bit.ly/1s5j7UT<br />#oranews<br />Katër ushtarakët e arrestuar për vjedhjen e armëve në Pashaliman pritet të dalin sot para Gjykatës së Vlorës për caktimin e masave të sigurisë.<br /><br />Gjyqtarja që do të shqyrtojë kërkesat e prokurorisë mësohet se është Harila Çela.<br /><br />Deri tani në pranga janë vendosur shtetasit Ardit Ramaj dhe Lesko Ramosaco, roje të depos së armatimit dhe mbikqyrësit e tyre Ervist Memsula dhe Edlir Nelaj.<br /><br />Në hetim janë dhe zyrtarë të tjerë të bazës ushtarake të Pashalimanit që dyshohet se bashkë me të arrestuarit kanë kryer tre vepra penale; shkelje të rregullave të shërbimit të rojes me pasoja të rënda, vjedhje armatimi dhe falsifikim i dokumentave nga punonjësi shtetëror.<br /><br />Bazuar në hetimet e kryera nga policia ushtarake e Vlorës, vjedhja e municioneve, pushkëve snajper dhe granatave dyshohet se ka ndodhur pas orës 03:30 të datës 10 janar 2019.<br /><br />Nga kqyrja e regjistrave të bazës ushtarake ka rezultuar se depot e armatimit janë lënë pa roje për rreth 4 orë mëngjesin e 10 janarit pasi ushtaraku është larguar për shkak të motit të ftohtë.<br /><br />Shërbimi i rojes është rivendosur në orën 7 të ëngjesit kur punonjësi që ka marrë turnin ka firmosur dokumentat pa praninë e rojes që duhet të bënte dorëzimin e rregullt të gjendjes së depos së armatimit.<br /><br />Vjedhja është konstatuar disa orë më vonë, ku policia ushtarake gjatë kqyrjes së vendit të ngjarjes ka gjetur dhe një dritare të dëmtuar në depon e armëve e cila besohet se është përdorur për të nxjerrë jashtë materialet e vjedhura.<br /><br />Një tjetër provë në vendin e krimit kanë qenë dhe një armë dhe disa municione që autorët e vjedhjes i kishin lënë jashtë bazës ushtarake në largim e sipër.<br /><br />Ndërkaq në procesverbalin e policisë ushtarake thuhet se në ambjentet e brendshme të depos ku ka ndodhur vjedhja nuk janë gjetur gjurmë gishtash.<br />Për më shumë lexoni në: <br />http://oranews.tv/article/vjedhja-ne-pashaliman-sot-4-ushtaraket-njihen-me-masen-e-siguris
