Avropada anomal soyuqlar, şaxta və güclü qar yağıntıları davam edir.<br /><br />Havaların həddən artıq soyuq keçməsi artıq 21 nəfərin ölümünə səbəb olub.<br /><br />Qalanews.com bildirir ki, Avropa Birliyinin bir sıra ölkələrində fövqəladə vəziyyət elan olunub.<br /><br />Avstriyada qar uçqunu nəticəsində 3 turist həlak olub, bir nəfər itkin düşüb. Dağ xizəkçilərinin cəsədlərini xilasedicilər tapıblar. Qar uçqununa düşmüş 17 məktəbli xilas olunub.<br /><br />Bavariyada qar uçqunu nəticəsində Balderşvanq kurortunda təxminən 2 min nəfərin ətraf aləmlə əlaqələri kəsilib.<br /><br />Bolqarıstanda iki snoubordçu qar uçqununa düşərək həlak olub.<br /><br />Anomal soyuqlar avtomobil yollarında da situasiyanı gərginləşdirib. Çexiyada yolların buz bağlaması və güclü qar nəticəsində yüzlərlə qəza baş verib.<br /><br />Sinoptiklərin dediklərinə görə, güclü qar və sazaq hələ bir neçə gün davam edəcək.<br /><br />Belarus, Avstriya, Serbiya, Yunanıstanda da havalar çox soyuyub.
