Edi Rama do të jetë edhe Ministër i Jashtëm. Mos dekreti nga Ilir Meta i të propozuarit të tij në këtë post Genti Cakaj, e ka çuar Kryeministrin drejt këtij vendimi që e ka bërë të njohur vetë përmes rrjeteve sociale, ku akuzon sërish Presidentin për shkelje të Kushtetutës.<br /><br />"Presidenti s'e ka ç'dekretuar Ministrin e Jashtëm në afatin kushtetues. Shkelje e radhës që do ta ballafaqojmë bashkë me të tjerat në Gjykatën e re Kushtetuese. Deri atë ditë që vjen shumë shpejt, do të jem de jure në këtë rol sepse s'kemi kohë për të humbur në kërkim të Presidentit".<br /><br />"Vetëm pak minuta më parë janë protokolluar në Presidencë propozimet e firmosura nga kreu i qeverisë. Ai për emërimin e tij edhe si Ministër i Europës dhe Punëve të Jashtme, por dhe kërkesa për herën e dytë për të shkarkuar Ministrin në detyrë, Ditmir Bushati. Por përpara se të shprehet me dekret, Presidenti ka zgjedhur t?i përgjigjet po në rrjetet sociale Kryeministrit, që e akuzoi se ka shkelur afatet kushtetuese për dekretimin e largimit të Ditmir Bushatit".<br /><br />?Presidenti në krye të punës. Për Presidentin e para është Kushtetuta dhe sundimi i ligjit. No more fake state. Shqipëria e Para!?, shkruan kreu i shtetit në replikën e radhës me kreun e qeverisë.<br /><br />Edi Rama i dërgoi Presidentit të premten e 4 Janarit kërkesën për shkarkimin e 7 ministrave, si dhe Zv/Kryeministres, si dhe emërimin e zëvendësuesve të tyre. Ilir Meta dekretoi të gjitha propozimet e Kryeministrit Rama, përveç atij të shkarkimit të Ministrit të Jashtëm, Ditmir Bushatin dhe emërimit të Genti Cakajt në vendin e tij, çka u bë shkak për një përplasje të fortë institucionale mes 2 krerëve më të lartë të shtetit, që u pasua edhe me akuza po kaq të forta personale.<br /><br />Me propozimin për ta drejtuar vetë Ministrinë e Jashtme, Rama duket se ka gjetur zgjidhje sa për ngërçin e krijuar.<br /><br />"Procedura që do të ndiqet për marrjen e kompetencave të Ministrit të Jashtëm nga Kryeministri është e njëjtë me atë për çdo ministër. Nëse Presidenti e shfrytëzon të gjithë afatin 7 ditor për të nxjerrë dekretin, atëherë parlamenti do të mblidhet në datën e lajmëruar 21 Janar. Maxhoranca po shqyrton edhe mundësinë e një seancë të jashtëzakonshme ku të miratohen të gjitha dekretet e ndryshimeve në qeveri".<br /><br />Edi Rama nuk është i vetmi Kryeministër në rajon që njëkohësisht do të drejtojë dhe Ministrinë e Punëve të Jashtme. I pari ishte Aleksis Tsipras në Greqi, pas dorëheqjes së Nikos Kotzias.<br /><br />Tv Klan
