Subscribe në Ora News këtu http://bit.ly/1s5j7UT<br />#oranews<br /><br />Një atentat me armë zjarri u regjistrua pasditen e sotme në një nga zonat më të frekuentuara të Vlorës.<br /><br />Dy persona ende të paidentifikuar kanë qëlluar me breshëri armësh ndaj një automjeti tip 'Audi' me targa AA 653 VC ku udhëtonte 41-vjeçari Mikel Mehmeti dhe një tjetër person.<br /><br />Ngjarja e rëndë ka ndodhur në rrugën "Gjergj Araniti".Agresorët duket se e kanë ditur rrugën që do të ndiqte mjeti, duke e qëlluar afër në anën e drejtuesit të makinës.<br /><br />Mehmeti ka mbetur i plagosur rëndë me një plumb në krahëror dhe një në bark. Menjëherë pas ngjarjes ai është dërguar në urgjencën e spitalit të Vlorës, ku edhe iu nënshtrua një ndërhyrje kirurgjikale.<br /><br />Paraprakisht mjekët kanë bërë të ditur se gjendja e tij është e rëndë.<br /><br />Dëshmitarët okularë kanë thënë se dy agresorët janë larguar menjëherë me një motor nga ngjarja.<br /><br />Policia dyshon se atentati ka qenë i mirëorganizuar. Agresorët kanë braktisur motorin në një tjetër zonë, duke u larguar më pas me një automjet.<br /><br />Në afërsi të stacionit të trenit, në një zonë informale është gjetur një makinë e djegur terësisht, e cila dyshohet se është përdorur prej tyre.<br /><br />Duke qenë se në zonë nuk ka kamera dhe dëshmitarët janë të paktë, dyshohet se ata kanë përdorur më pas mjete të tjera për të humbur gjurmët.<br /><br />Ky është atentati i radhës në Vlorë pasi Mehmeti konsiderohet si një nga miqtë më të ngushtë të Ferdinand Llanaj, të cilit dy vite më parë i bënë atentat në rrugën Transballkanike.<br /><br />Për më shumë lexoni në: http://www.oranews.tv/article/te-shtena-me-arme-ne-rrugen-gjergj-araniti-ne-vlore
