Mazhoranca i kërkon Presidentit të reflektojë në pak orë që i kanë ngelur përpara nisjes së seancës së jashtëzakonshme dhe të firmosë dekretet për emërimin e Kryeministrit edhe si Ministër i Jashtëm, si dhe atë të shkarkimit të Ministrit aktual, Ditmir Bushati.<br /><br />?Besoj që deri në orën 17:00 edhe zoti Meta do t?i ketë dhënë fund një historie të pakuptimtë të krijuar artificialisht?. Por përgjigja e kreut të shtetit është e shkurtër: ?Kushtetuta e para?.<br /><br />Taulant Balla, kreu i grupit parlamentar socialist e akuzon Presidentin se po sillet si kryetar alternativ opozite. ?Në një situatë që opozita e ka humbur besimin në kryetarin Lulzim Basha, Presidneti Meta është munduar të bëjë kryetarin alternativ të opozitës?.<br /><br />Por Presidenti pyetjes për këto deklarata i është përgjigjur po me pyetje: ?Kush është ky, kryetari i Këshillit të Sigurimit Kombëtar??<br /><br />Një mesazh për qeverinë dha edhe në një fjalë të mbajtur në konferencën me temë ?Politika e mirë në shërbim të paqes?.<br /><br />?Kërkojmë me forcë që politika dhe politikanët të jenë në shërbim të qytetarëve, interesave publike dhe familjeve të tyre, t?i shërbejnë mirësisë, paqes dhe zhvillimit dhe jo anasjelltas, duke u kthyer nga ?shërbëtorë?, në ?zotër? të jetës, fatit, mirëqenies dhe të ardhmes së qytetarëve?.<br /><br />Në nisje të sesionit të ri parlamentar, Meta kërkoi dialog mes qeverisë dhe opozitës, por pak ditë pas këtij apeli, ai e sheh veten të përfshirë në një konflikt të fortë me mazhorancën, pas mosdekretimit të Genti Cakajt si Ministër të Jashtëm.<br /><br />Tv Klan
