Prokuroria e Krimeve të Rënda pritet të shtyjë edhe me 3 muaj të tjerë hetimet për ish-ministrin e Brendshëm Saimir Tahiri. Prokuroret e kësaj çështje kanë pasur një mbledhje këtë të mërkurë, ndërsa firmosja për zgjatjen e hetimeve pritet të bëhet të enjten, ditë kur përfundon dhe afati.<br /><br />Prokurorët duan më shumë kohë dhe prova që nuk kanë mundur t?i sigurojnë deri tani. Janë kryesisht fakte që priten të vijnë nga Italia dhe Mali i Zi ku janë dërguar letër-porosi. Gjithashtu janë duke u kryer veprime për hetimin pasuror që po kryhet ndaj ish-ministrit të Brendshëm. Saimir Tahiri akuzohet për trafik droge në kuadër të grupit të strukturuar kriminal dhe korrupsion. Sipas Prokurorisë, ai i ka krijuar lehtësi grupit të ?Habilajve? në trafikun e kanabsit drejt Italisë.<br /><br />Prokuroria e Antimafias së Katanias në 15 Mars të vitit të kaluar, pas 5 muajsh hetime i kërkoi gjykatës pushimin e hetimeve ndaj ish-ministrit pasi nuk gjeti asnjë provë që e lidhte atë me grupin e Habilajve. Një javë më parë, Prokuroria dërgoi për gjykim 9 pjesëtarë të këtij grupi, mes tyre drejtuesin Moisi Habilaj dhe Nazer Seiti, financieri i grupit.<br /><br />Tv Klan
