Bankomati i një banke të nivelit të dytë është tentuar të grabitet gjatë natës në Vorë.<br /><br />?Persona të paidentifikuar kanë shfrytëzuar punimet në godinën ku gjendet një bankë e nivelit të dytë, për të grabitur lekët që gjendeshin në bankomat?.<br /><br />Ngjarja ka ndodhur rreth orës 04:00 të mëngjesit të së enjtes, ndërsa banka ndodhet shumë pranë Komisariatit të Vorës. Mësohet se pas rënies së alarmit kanë qenë rojet private që sinjalizuan policinë për rastin.<br /><br />Burime nga policia bëjnë me dije se kanë qenë 4 persona, të cilët në bashkëpunim me njëri-tjetrin kanë tentuar të kryejnë grabitjen. Policia e Tiranës njoftoi zyrtarisht se autorët nuk kanë mundur të marrin paratë e bankomatit. Nga ana tjetër mësohet se në bankomatin e shkatërruar plotësisht gjendeshin vetëm 15 mijë lekë, por edhe ato nuk janë marrë.<br /><br />Sakaq grupi hetimor që ka mbërritur në vendngjarje ka sekuestruar kamerat e sigurisë për të bërë të mundur identifikimin e autorëve. Vetëm pak ditë më parë, një bankomat i një banke të nivelit të dytë është tentuar të grabitet në Bulevardin Blu në Kamëz, ndërsa ende policia nuk ka mundur të identifikojë autorët.<br /><br />Tv Klan
