Viti 2018 ishte viti më i suksesshëm në histori përsa i përket sasisë së eksporteve shqiptare.<br /><br />Një e dhënë e tillë u konfirmua ditën e sotme nga ?INSTAT?, që publikoi shifrat përfundimtare për bilancin tregëtar të vitit të lënë pas.<br /><br />Në vitin e lënë pas, eksportet e mallrave arritën vlerën 310 miliardë lekë, rreth 3 miliardë dollarë, duke u rritur me 13,7% krahasuar me vitin e mëparshëm.<br /><br />Lajmi i dytë i mirë është që përveç eksporteve, ekonomia shqiptare është duke mbuluar gjithmonë e më shumë nevojën vendase, në shumë sektorë të saj.<br /><br />Kjo provohet nga fakti që nëse eksportet u rritën me 13,7%, importet gjatë vitit janë rritur me vetëm 2,4%.<br /><br />Reduktimi i defiçitit tregtar bën që eksportet shqiptare të mbulojnë sa 48,4% e importeve, nga vetëm 43% që ishte një vit më parë.<br /><br />Në terma ekonomikë, një raport i tillë sjell një përmirësim të ndjeshëm të bilancit të pagesave, që do të thotë se gjithmonë e më pak euro (apo monedha të tjera ekuivalente) dalin jashtë vendit dhe gjithmonë e më shumë kapital qëndron në vend.<br /><br />Një rekord absolut në vitin 2018 ka shënuar bujqësia. Ndërsa eksportet arritën rekordin e 320 milionë dollarëve, për herë të parë në më shumë se 20 vjet vërehet një rënie e importeve bujqësore, ndonëse e lehtë.<br /><br />Diçka e tillë ndodh jo vetëm për shkak të rritjes së eksporteve, por edhe sepse gjithmonë e më shumë mallra të prodhuar në vend konsumohen në Shqipëri, duke ulur kërkesën për produkte të huaja.<br /><br />Sektorë të tjerë që kanë njohur një rritje të rëndësishëm janë ato të mineraleve dhe hidrokarbureve, energjisë elektrike, prodhimit të materialeve të ndërtimit apo grupit të produkteve ?tekstile dhe këpucë?.<br /><br />Rritja më e madhe në terma absolutë është vërejtur me Kosovën, ku eksportet shqiptare arritën në pothuajse 270 milionë dollarë, nga vetëm 200 milionë dollarë të një viti më parë.<br /><br />Rritje tjetër e ndjeshme është regjistruar me Italinë, partnerin tonë kryesor tregtar, Gjermaninë, Spanjën dhe disa vende të tjera të Bashkimit Europian.
