Subscribe në Ora News këtu http://bit.ly/1s5j7UT<br />#oranews<br />Policia e Korcës thotë se ka identifikuar por ende nuk ka mundur të arrestojë autorin e ekzekutimit të Altin Balliut, ngjarje e ndodhur mbrëmjen e së enjtes. I dyshuari është Olger Mustafaj, person i dënuar më herët për plagosje me armë. Sherri që përfundoi me plumba, dyshohet se nisi për gërvishtjen makinës së autorit nga viktima.<br /><br />Olger Mustafaj, një person me precedentë të rëndë kriminale është autori i dyshuar i ekzekutimit të Altin Balliut në Korçë.<br /><br />Ai është identifikuar nga dëshmitë në vendngjarje dhe është shpallur në kërkim nga policia, por mbetet ende i lirë.<br /><br />Vrasja ndodhi mbrëmjen e së enjtes në lagjen 10 të qytetit juglindor,<br /><br />Ndërkaq rreth 20 persona të shoqëruar në Polici kanë ndihmuar grupin hetimor për të zbardhur dinamikën e ngjarjes.<br /><br />Burimet thanë se sherri që përfundoi me plumba nisi pasi 30-vjeçari Balliu i ka gërvishtur makinën e parkuar autorit të dyshuar.<br /><br />Fillimisht ata janë konfliktuar verbalisht dhe fizikisht në një lokal në prani edhe të personave të tjerë që shoqëronin 30-vjeçarin nga Pogradeci.<br /><br />Mustafaj është larguar fillimisht nga lokali ka marrë një pistoletë dhe e ka sulmuar Balliun në një kohë kur ai po shkonte i vetëm drejt makinës.<br /><br />Ai ka marrë një goditje në kokë që i ka shkaktuar vdekjen e menjëhershme.<br /><br />Olger Mustafaj, autori i dyshuar, rezulton person me precedentë penale të mëparshme për vrasje dhe plagosje te rëndë dhe armëmbajtje pa leje.<br /><br />Në vitin 2010 ai tentoi të vrasë me kallashnikov Majkëll Hysollin dhe u dënua për plagosje të rëndë me dashje.<br /><br />Ndërsa në vitin 2013 u rikthye sërish në vëmendjen e drejtësisë pasi u konfliktua në burgun e Drenovës me Aurel Nazifajn.<br /><br />Altin Balliu jetonte në fshatin Slabinjë të Pogradecit dhe merrej me hapjen e puseve të ujit, siç tregon edhe në profilin në rrjetet sociale.<br /><br />Policia thotë se po vijon punën për arrestimin e autorit dhe zbardhjen e dinamikës së plotë të krimit.<br />Për më shumë lexoni në: <br />http://oranews.tv/article/korce-vrau-35-vjecarin-autori-i-denuar-me-12-vjet-burg
