Me argumentin se nuk është zbuluar asnjë element i veprës penale dhe asnjë autor i dyshuar, Prokuroria e Krimeve të Rënda ka pezulluar hetimet për trafik ndërkombëtar droge për dosjen e njohur me emrin ?Babale?. Akuza e ka transferuar edhe një herë dosjen në polici, për të vazhduar kërkimet nëse ka persona të dyshuar për trafik kanabisi nga Vlora drejt Italisë, ashtu siç pretendonte Albert Veliu në audio-përgjimin e bërë publik një vit më parë nga Partia Demokratike.<br /><br />Në audiopërgjim, Albert Veliu i njohur ndryshe dhe si Dëshmitari X, pretendoi se po bisedonte me Agron Xhafajn, vëllain e ish-Ministrit të Brendshëm Fatmir Xhafaj, për të trafikuar një sasi kanabisi drejt Italisë.<br /><br />Pas kësaj, Orokuroria nisi hetimet, por pa regjistruar asnjë emër të dyshuar. Pas disa muajsh hetimesh, sipas prokurorëve, rezultoi se Veliu ka sajuar historinë e trafikut të drogës nga Vlora drejt Italisë, ku ka përfshirë edhe vëllain e ish-Ministrit. Për këtë çështje, i vetmi person që ndodhet në qeli është Fredi Alizoti, i cili pranoi se kishte qenë ai, personi që kishte bërë rolin e Agron Xhafajt në audio-përgjim.<br /><br />Albert Veliu u largua nga Shqipëria duke kërkuar fillimisht azil politik në Kosovë, me argumentin se i rrezikohej jeta, por në Dhjetor të vitit të kaluar u arratis drejt Hungarisë dhe tashmë ndodhet në Belgjikë. Sipas avokatit të tij në Kosovë, Veliu është larguar për shkak se nuk përfitoi azil.<br /><br />Tv Klan
