Subscribe në Ora News këtu http://bit.ly/1s5j7UT<br />#oranews<br /><br />Sektori fason në Shqipëri, i cili ka numrin më të lartë të punësuarve kryesisht gra dhe vajza të reja, vitet e fundit ka ndeshur një sërë problematikash e vështirësish. Paketa me 32 pika në mbështetje të këtij sektori mbeti vetëm në letër dhe nuk pati efekt. Sipas INSTAT, fitimet e këtij sektori ranë me 9 për qind në 2018. Për shkak të vështirësive në Shqipëri, shumë biznese fasone po zgjedhin rajonin për të vijuar aktivitetin.<br /><br />Sektori fason numëron rreth 68 mijë të punësuar në 530 ndërrmarje që veprojnë në Shqipëri duke mbajtur peshën kryesore të punësuarve në vend.<br /><br />Por ky lloj aktiviteti gjatë viteve të fundit po ndeshet me problematika dhe vështirësi.<br /><br />Të dhënat zyrtare të INSTAT për dhjetorin e vitit 2018 tregojnë se sektori fason për herë të parë për 2018 pësoi një rënie të ndjeshme të eksporteve.<br /><br />Tkurrja e eksporteve të prodhimit të tekstileve dhe këpucëve ishte 5% e ndikuar kryesisht si pasojë e zhvlerësimit të euros e cila arriti nivelin më të ulët në 10 vitet e fundit.<br /><br />Prodhuesit e veshjeve dhe të këpucëve ankohen se gjatë 2018 i kanë rënë fitimet me rreth 9% dhe si rezultat kjo do të çojë në shkurtimin e punonjësve dhe në rastet më të këqia edhe në falimentim.<br /><br />Po ashtu fasonët ankohen se qeveria nuk ka rimbursuar TVSH-në dhe një pjesë e mirë e tyre kanë vonesa që prej disa muajve, ndërsa duhej të rimbursoheshin brenda 30 ditëve.<br /><br />Për më shumë lexoni në: http://oranews.tv/article/fasonet-ne-veshtiresi-ulje-eksportesh-shkak-te-euros
