Subscribe në Ora News këtu http://bit.ly/1s5j7UT<br />#oranews<br /><br />Prokuroria e Krimeve të Rënda ka vendosur të pezullojë për mungesë provash dosjen penale ndaj shtetasit Agron Xhafaj.<br /><br />Disa javë më parë prokurori i çështjes, Përparim Kulluri, ka firmosur pezullimin e procedimit penal dhe ka urdhëruar rikthimin e materialeve në polici.<br /><br />Organi i akuzës i ka lënë detyra policisë së shtetit që të plotësojë dosjen me informacionet e reja operative, dëshmi dhe prova që mund të ndihmojnë në zbardhjen e çështjes.<br /><br />Burimet nga Krimet e Rënda thanë se procedimi i pezulluar nuk ka të bëjë me audio-përgjimin e publikuar nga Albert Veliu, i njohur ndryshe edhe si Babablja, por me disa fakte dhe të dhëna shtesë të pretenduara për implikimin e Agron Xhafaj në trafikim narkotikësh.<br /><br />Prokuroria tha se përsa përmban përgjimi i publikuar nga Albert Veliu është arritur në përfundimin se bëhej fjalë për kallzim të rremë.<br /><br />Por sipas akuzës, gjatë pyetjes së Babales dhe deputetëve të Partisë Demokratike ka pasur pretendime për trafikimin e sasive të drogës nga fshatrat e Vlorës drejt Italisë.<br /><br />Krimet e Rënda thanë se procedimi që është kthyer në polici ka të bëjë pikërisht me këto akuza për të cilat nuk janë gjetur prova të mjaftueshme.<br /><br />Për më shumë lexoni në: http://oranews.tv/article/hetimet-agron-xhafaj-pezullohet-procedimi-trafik-nga-vlora-drejt-italise
