Subscribe në Ora News këtu http://bit.ly/1s5j7UT<br />#oranews<br />Depolitizimi i komisioneve dhe futja e teknologjisë në zgjedhjet e 30 qershorit është e pamundur të realizohen pasi nuk ka më kohë. Nënkryetari i KQZ-së, Denar Biba, thotë se edhe nëse PD e PS bien dakord për kodin e ri zgjedhor, këto dy çështje janë të vështira për tu realizuar.<br /><br />Zgjedhjet vendore po afrohen ndërsa politika nuk ka arritur ende që të gjejë konsensusin për një propozim të përbashkët për reformën zgjedhore.<br /><br />Por pavarësisht pengesave politike, Komisioni Qendror i Zgjedhjeve ka nisur përgatitjet për 30 qershorin me kodin e vjetër pasi ashtu siç shprehet nënkryetari i këtij Komisioni, nuk ka kohë për të humbur.<br /><br />Denar Biba tregon që edhe nëse PD-PS bien dakord për kodin e ri, disa ndryshime janë shumë të vështira për tu implementuar në këto zgjedhje.<br /><br />Denar Biba: Nëse do të depolitizohen komisionerët do të duhet që ata të jenë trajnuar, të certifikuar më parë nga KQZ. Por sa më tepër ti afrohemi datës së zgjedhjeve, aq më e vështirë do të jetë.<br /><br />Në draftin e depozituar në Kuvend nga PS thuhet që në 30 qershor duhet të futet teknologjia në 30 qershor.<br /><br />Por KQZ e sheh skeptike realizimin e plotë të kësaj kërkese.<br /><br />Denar Biba: Kjo jo vetëm që do të kërkojë ndërhyrje në aspektin logjistik, prokurime e kështu me radhë, do të merrnin dhe investim të brendshëm nga KQZ, njohjen me teknologjinë. Nëse do të bëhet ndonjë ndryshim, të bëhet mundësisht nesër, por kohë nuk ka.<br /><br />Komisioni Qendror i zgjedhjeve po funksionon me 5 anëtarë, pasi PD nuk ka sjellë dy emrat e rinj zëvendësues.<br /><br />Për Biben kjo nuk e dëmton punën e Komisionit, por i kujton opozitës që është përgjegjësi e saj që të plotësojë vendet vakante.<br />Për më shumë lexoni në: <br />http://oranews.tv/article/ska-kohe-teknologji-biba-ndryshimet-ne-kodin-zgjedhor-kerkojne-trajnime-dhe-infrastrukture
