Subscribe në Ora News këtu http://bit.ly/1s5j7UT<br />#oranews<br />Me 6 vota pro dhe 5 kundër, Këshilli i Lartë i Prokurorisë vendosi kthimin në detyrë te Prokuroria e Krimeve të Rënda të të prokurorëve Olsian Çela dhe Besim Hajdarmataj.<br /><br />Olsian Çela dhe Besim Hajdarmataj pas përplasjes për dosjen Shullazi u transferuan në Berat e Pogradec, ndërsa pas padisë në gjykatë ata fituan pasi gjykata shpalli të paligjshëm urdhrat e Arta Markut.<br /><br />Pavarësisht vendimit, në mbledhje nuk munguan debatet mes anëtareve të Këshillit të Lartë të Prokurorisë të cilët ndanë qëndrime të ndryshme mbi çështjen.<br /><br />Pjesë nga debatet në KLP<br /><br />"Transferimi pa pëlqim është në të gjitha ato raste kur vendi është i lirë më shumë sesa 3 muaj dhe nuk ka asnjë prokuror tjetër që të shkojë në këto dy prokurori. Këshilli është i detyruar të caktojë prokurorë nga prokuroritë me kërkesë më të ulët dhe magjistratin me eksperiencë më të ulët në këtë prokurori që ka ngarkesën më të ulët.<br /><br />Rasti tjetër i parashikuar nga neni 59 përcakton që pozicioni duhet të jetë përkohësisht maksimumi deri në tre muaj i lirë dhe në këtë rast përsëri KLP mund të caktojë papëlqim.Meqenëse si prokuroria e Beratit dhe ajo e Pogradecit nuk janë raste kur pozicioni është i lirë deri në tre muaj dhe prokurorët Olsian Çela dhe Besim Hajdarmataj nuk kanë dhënë pëlqimin e tyre për tu caktuar në prokurori ne kemi çmuar që këto caktime të përkohshme duhet të ndërpriten dhe prokurorët të kthehen në pozicionet e tyre ku janë të emëruar pranë Prokurorisë së Krimeve të Rënda".<br /><br />Nurihan Seiti: Dinjiteti jonë është të presim Gjykatën e Apelit.Për këta dy magjistratë nuk mohohet asnjë e drejtë e tyre për të aplikuar te SPAK-u, po të duan për Prokuror të Përgjithshëm, për të aplikuar në të gjithë territorin e Shqipërisë si titullarë.Por çështja që është në Gjykatë Administrative nuk mund të trajtohet nga KLP. Nuk bëjmë dot interpretime të një vendimi që nuk ka marrë formën e prerë.<br /><br />"Nuk mund të marrim kompetencën e gjykatës.Pa u shteruar rrugët ligjore ne nuk kemi punë me kërkesën".<br /><br />Bujar Sheshi: Kur mbaron afati 3 mujor, KLP duhet të zgjidhë ngërçin ku do të punojnë këta 2 prokurorë.<br />Për më shumë lexoni në: <br />http://oranews.tv/article/kerkesa-e-prokuroreve-cela-dhe-hajdarmataj-sjell-debate-mes-anetareve-te-klp
