sh-kreu i Shërbimit Informativ Shtetëror, Bahri Shaqiri, i cili aktualisht mban detyrën e Këshilltarit të Presidentit për Çështjet e Sigurisë Kombëtare është propozuar nga presidenti Meta për të drejtuar Kontrollin e Lartë të Shtetit. Në propozimin drejtuar kuvendit, Meta argumenton se Shaqiri ka integritet të lartë dhe plotëson të gjitha kriteret ligjore për t?u emëruar në këtë pozicion.<br /><br />?Zoti Shaqiri është një kandidaturë me eksperiencë në drejtimin e institucioneve dhe ka njohuritë e duhura në fushën e ligjit dhe auditimit. Gjatë ushtrimit të detyrave Shaqiri ka patur bashkëpunim të shkëlqyer me partnerët ndërkombëtarë, në kuadër të luftës kundër krimit të organizuar dhe atij ekonomiko-financiar?.<br /><br />I menjëhershëm ka qenë reagimi i përfaqësuesve të mazhorancës që paralajmërojnë rrëzimin e këtij propozimi. Në një reagim në rrjetet sociale, të cilin e quan opinion personal, Kreu i Komisionit të Ligjeve Ulsi Manja shkruan se kandidatura e Shaqirit, këshilltarit te presidentit, nuk plotëson kriterin bazë, atë të ekspertizës në fushën e financave<br /><br />?Kandidatura e Bahri Shaqirit për Kontrollin e Lartë të Shtetit, përveçse është një kandidaturë me profil të lartë politik pasi vjen nga forumet drejtuese të LSI, ka edhe një problem serioz kushtetues. Kushtetuta e përcakton qartë si kriter të kandidatit për drejtimin e KLSH, ekspertizën në fushën e financave. Mbase z.Shaqiri ka punuar me financat e LSI dhe këtë mund të ketë patur parasysh, kryetari në distancë i LSI, Presidenti Meta, kur e ka propozuar?.<br /><br />Për sa i takon Komisionit të Ligjeve e shoh realisht të pamundur dritën jeshile për z.Shaqiri. Për të cilin kam respekt për si e ka drejtuar SHISH-in, në kohën kur qeverisnin z. Berisha bashkë me z.Meta.<br /><br />Neni 20 i ligjit për organizimin dhe funksionimin e Kontrollit të Larte të Shtetit përcakton edhe kushtet për t?u zgjedhur ne krye te këtij institucioni.<br /><br />"Kandidati duhet të ketë arsim të lartë në ekonomi, financë ose drejtësi; përvojë profesionale në çështje financiare; ka kualifikime të larta profesionale dhe përvojë pune në profesion jo më pak se 10 vjet; te gëzoje integritet të lartë moral dhe profesional; dhe te mos jete dënuar më parë për kryerjen e një krimi me vendim gjyqësor të formës së prerë'.<br /><br />Pikërisht germës B te këtij neni i referohet Ulsi Manja kur flet për mosplotësim te kushteve, pasi zoti Shaqiri sipas tij nuk ka përvoje ne heshtjet financiare.<br /><br />Emri i ish kryetarit te SHISH është propozimi i dytë i presidentit për postin e kreut të Kontrollit të Lartë të Shtetit. Emri i parë që iu çua kuvendit ishte ai i Vitore Tushës, i cili u hodh poshtë nga shumica ne kuvend, për shkak te zgjedhjes se saj si anëtare e Këshillit të Emërimeve në Drejtësi.<br /><br />Tv Klan
