Kompania e prodhimit të energjisë, KESH ka mbyllur vitin financiar 2018-ë me 100 milionë Dollarë fitime, duke dalë më mirë në bilancet e saj edhe se kompania tjetër e këtij sektori, OSHEE.<br /><br />Të ardhurat kryesore të Korporatës Elektroenergjetike kanë ardhur nga rritja e sasisë së prodhimit të energjisë për vitin që u mbyll krahasuar me 2017-n.<br /><br />Në fund të 2018-ës prodhimi arriti në 5815 gigavat/orë energji elektrike, një rritje vjetore në nivelin 60%.<br /><br />Vetëm nga shitja e energjisë, KESH arriti të sigurojë 183 milionë Dollarë, mes të cilave një pjesë kanë shkuar për kryerjen e investimeve dhe një pjesë tjetër për shlyerjen e detyrimeve që korporata ka patur në vite.<br /><br />Korporata raporton se ka shlyer të gjitha detyrimet korrente ndaj autoriteteve fiskale dhe 14.5 milionë Dollarë detyrime që ka patur në vite ndaj tatimeve.<br /><br />Kjo është hera e parë gjatë viteve të fundit që KESH ka arritur një rezultat të tillë financiar. Në 2017-n korporata rezultoi me një humbje në nivelin e gjysmë milioni Dollarësh për shkak të rënies së prodhimit në muajt e verës.<br /><br />Tv Klan
