Subscribe në Ora News këtu http://bit.ly/1s5j7UT<br />#oranews<br />Afrim Qendro është drejtori i dytë i shkarkuar brenda pak ditësh nga institucionet e varësisë së Ministrisë së Energjisë dhe Infrastrukturës. Vendin e tij në krye të ARRSH do ta marrë Sonila Qato. Vendimi ka ardhur vetëm një ditë pas dorëheqjes së Klodian Gradeci dhe emërimit të Skerdi Drenovës në krye të OST-së.<br /><br />Pak ditë pasi Ministrja e Energjisë dhe Infrastrukturës, Belinda Balluku, ka marrë detyrën kanë nisur shkarkimet në institucionet kryesore të varësisë.<br /><br />24 orë pas emërimit të Skerdi Drenovës në krye të Operatorit të Sistemit të Transmetimit, i cili pasoi në këtë detyrë, Klodian Gradecin të dorëhequr nga posti, vjen një tjetër ndryshim.<br /><br />Afrim Qendro është shkarkuar nga posti i drejtorit të Autoritetit Rrugor Shqiptar, ndërsa në vendin e tij është emëruar ish-Ministrja për Mbrojtjen e Sipërmarrjes, Sonila Qato.<br /><br />Ish-kreu i ARRSH-së Afrim Qendro dhe ish-administratori i OST-së Klodian Gradeci, i cili ka qenë krahu i djathtë i ish-ministrit Gjiknuri, u përfshinë në skandalin e Unazës së Re, me firmën ?DH Albania?.<br /><br />Firma me anë të dokumenteve të falsifikuara, fitoi dy tendera me vlerë 30 milionë euro në fund të vitit të kaluar, 18 milionë për ndërtimin e lotit të parë te Unaza e Re nga ARRSH-ja.<br /><br />Pas publikimit të skandalit, të dy tenderat u anuluan, ndërsa prokuroria ka nisur hetimet.<br /><br />Pak ditë më parë Klodian Gradeci dhe Afrim Qendro, dëshmuan në prokurori për çështjen që vijon të hetohet nga organi i akuzës.<br /><br />Ndërkaq besohet se ndryshimet vijnë si pasojë e lëvizjeve politike në qeverinë e drejtuar prej kryeministrit Edi Rama.<br />Për më shumë lexoni në: <br />http://oranews.tv/article/pas-drejtorit-te-ost-iken-edhe-afrim-qendro-i-arrsh-se
