Insituti i Shëndetit Publik, ka nxjerrë një njoftim për situatën e fruthit në vend. ISHP bën me dije se deri në datën 22 janar të këtij viti, janë identifikuar 30 raste me fruth, tek fëmijët nën 2 vjeç. ISHP iu bën thirrje prindërve që të vaksinojnë fëmijët. Gjithashtu, ISHP, i bën thirrje spitaleve që të marrin masa për trajtimin e fëmijëve me fruth. Reagimi i ISHP vjen pas rastit të djeshëm, kur në QSUT, humbi jetën një foshnjë 4 muajshe. <br /><br />Njoftimi i plotë<br /><br />Lidhur me situatën e Fruthit në Shqipëri, Instituti i Shëndetit Publik bën me dije se deri në datën 22 Janar 2019 numri i të prekurve me fruth është 30 raste (pozitive). Rastet e konfirmuara i përkasin kryesisht grupmoshës nën 2 vjeç.<br /><br />Instituti i Shëndetit Publik ju bën thirrje të gjithë prindërve të vaksinojnë fëmijët e tyre sipas kalendarit kombëtar të vaksinimit dhe udhëzimeve të ISHP-së për grupet që janë më të rrezikuara.<br /><br />Jo vetëm fëmijët, por edhe të rriturit që nuk janë vaksinuar ndaj fruthit apo nuk kanë marrë dy doza të vaksinës, duhet të vaksinohen. Vaksinimi ndaj fruthit është mbrojtja më e mirë për parandaluar fruthin dhe komplikacionet që vijnë prej tij. Për shkak se kjo periudhë e vitit sjell rritje të numrit të rasteve të infeksioneve respiratore dhe gripit, bëhet akoma më i rëndësishëm vaksinimi, për të parandaluar përhapjen e fruthit.<br /><br />Masat e ndërrmara për mbrojtjen nga fruthi dhe ndaj epidemisë të shkaktuar prej tij janë masa të kontrollit spitalor dhe në qendra shëndetesore, si me poshtë:<br /><br />? Izolimi në pavione të caktuara në spitale dhe vetëizolimi për rastet ambulatore.<br /><br />? Masa standarte të kontrollit të infeksionit dhe ato të transmetimit nëpërmjet ajrit.<br /><br />? Përdorim i mjeteve të mbrojtjes personale, si maskave, etj nga personeli dhe pacientët kur shkojnë në ekzaminime.
