Aplikimet për kartën e identitetit po shkaktojnë mjaft probleme sa i për5ket rradhëve në qendrat e gjendjeve civile në të gjithë qarqe e vendit. Edhe qytetarët beratas janë ndeshur me fenomenin e radhëve të shumta dhe vonesave në proçesin e aplikimeve. Në qytetin e Beratit ofrohen shërbimet në mjediset e godinës së ish/bashkisë së Beratit, por sportelet ku kryen aplikimet duket se janë të pakta.<br /><br />Qytetarët ankohen se kanë ditë që qëndrojnë në rradhë dhe aplikimi po bëhet i vështirë për ta. Sipas tyre punohet me vetëm një zyrë,me pak sportele dhe me shumë pak punonjës.<br /><br />Kemi 5 ditë që i kemi marrë kuponat . Edha në mëngjes ndenja nja dy orë ika prap.<br /><br />qytetari<br /> "Rëndohet kjo situatë se duhet shtuar numri i sporteleve", thotë një qytetar tjetër.<br /><br />Qytetarët shprehen se,e zënë radhën që në orën 7:00 të mëngjesit,rrinë gjithë ditën në radhë dhe largohen në shtëpi pa mundur dot të aplikojnë.<br /><br />"Po të ishin të mjaftueshëm sportelet nuk do prisnim në rradhë. Unë ka që në orën në orën 07.00 të mëngjesit që kam ardhur këtu?, shprehet një tjetër qytetar.<br /><br />Nga ana tjetër prefekti i Qarkut të Beratit, Harilla Dafa, në një deklaratë për mediat,i ka bërë thirrje qytetarëve që të aplikojnë për të nxjerrë në kohë kartat e reja të identitetit brenda afateve, pasi në të kundërt rrezikojnë marrjen e shërbimeve në zyrat e shtetit.
