பிரியங்காவுக்கு அவரது அண்ணன் ராகுல்<br />காங்கிரஸ் கட்சியில் முக்கிய பதவியை வழங்கியதை போல்<br /><br />கனிமொழிக்கு அவரது அண்ணன் ஸ்டாலின்<br />திமுகவில் முக்கிய பதவியை வழங்கி<br />கட்சியை வலுப்படுத்த முன்வருவாரா என்று<br />திமுக தொண்டர்கள் மத்தியில் எதிர்பார்ப்பு எழுந்துள்ளது.<br /><br />பிரியங்கா இதுவரை தன் அம்மா, அண்ணன் போட்டியிட்ட<br />ரேபரேலி, அமேதி தொகுதிகளில் மட்டுமே கட்சிக்காக<br />தீவிரமாக தேர்தல் பிரசாரம் செய்திருக்கிறார்.<br />ஆனால் கனிமொழியோ தன் தந்தையும் அண்ணனும்<br />போட்டியிட்ட தொகுதிகள் மட்டுமின்றி<br />தமிழகம் முழுவதும் சூறாவளியாக சுற்றி சுழன்று<br />திமுகவுக்காக தீவிர பிரசாரம் செய்துள்ளார்.<br /><br />எனினும், கட்சியை வளர்ப்பதில் கனிமொழியில் ஆற்றலை<br />ஸ்டாலின் சரியாக பயன்படுத்தி கொள்ளவில்லை என்பது<br />திமுகவில் பலரது ஆதங்கமாக இருந்து வருகிறது.<br />குறிப்பாக, கருணாநிதியின் மறைவாலும்<br />அழகிரி நீக்கத்தாலும் மனம் சோர்ந்துள்ள தொண்டர்களை<br />உற்சாகப்படுத்த ஸ்டாலின் முயற்சி எடுக்கவில்லை என<br />சில சீனியர்களே வருத்தத்தில் இருக்கிறார்கள்.<br /><br />திமுகவின் பல்வேறு கிளை அமைப்புகளில் ஒன்றான<br />மகளிர் அணியின் செயலாளர் பொறுப்பு மட்டுமே<br />கட்சியில் கனிமொழிக்கு தரப்பட்டுள்ளது.<br /><br />அவரது ராஜ்யசபா எம்.பி பதவிக்காலம் 5 மாதத்தில் முடிகிறது.<br />இதுவரை சட்டசபை, லோக்சபா தேர்தலில் போட்டியிடாத கனி<br />இம்முறை தூத்துக்குடி தொகுதியில் திமுக வேட்பாளராக<br />களம் காண ஆசைப்படுகிறார்.<br /><br />அண்ணன் சம்மதிப்பாரா என்பது தெரியவில்லை.<br />“நான் வேட்பாளராக நிறுத்தப்படுவேனா என்பதை<br />தலைவரிடம்தான் நீங்கள் கேட்க வேண்டும்” <br />என்று பந்தை அறிவாலயத்துக்கு திருப்பினார் கனிமொழி.<br /><br />பை தி வே, பிரியங்காவுக்கு ட்விட்டரில்<br />வாழ்த்து சொல்லி இருக்கிறார் ஸ்டாலின்.<br /><br /><br />
