Subscribe në Ora News këtu http://bit.ly/1s5j7UT<br />#oranews<br />Llogari bankare me vlerë 5.2 milionë euro dhe 7 apartamente janë sekuestruar në Lezhë në kuadër të operacionit "Forca e Ligjit".<br /><br />Llogaritë bankare dhe apartamentet e sekuestruara janë në pronësi të Pjetër Vocit 83-vjeç dhe vajzës së tij Shqipe Palaj 50-vjeçe dhe dyshohen se janë përfituar nga veprimtari kriminale.<br /><br />"Sekuestrot janë rezultat i punës hetimore të Policisë së Lezhës që ka referuar materialet procedurale në prokurori mbi bazën e dyshimit të arsyeshëm, për përfitimin e tyre nga veprimtaria kriminale.Prokuroria nisi procedimin penal për veprën penale "Pastrim i produkteve të veprës penale ose të veprimtarisë kriminale" në ngarkim të dy shtetasve" informon policia e shtetit. <br /><br />Pas hetimeve të kryera me kërkesën e prokurorit Erjon Shehaj, Gjykata e Rrethit Gjyqësor Lezhë me vendimin nr. 17 date 23.01.2019 ka vendosur sekuestrimin e llogarive bankare si dhe të 7 apartamenteve në Lezhë dhe Tiranë.<br /><br />Sipas burimeve, paratë e sekuestruar ishin në llogarinë bankare të Shqipe Palajt, ndërsa janë depozituar në një bankë të nivelit të dytë nga Zvicra, vend ku jetojnë prej shumë vitesh vëllai dhe kunati i saj.<br /><br />Nga sa mësohet, ky i fundit është arrestuar disa muaj më parë në Zvicër, duke bërë që dhe policia shqiptare të nisë verifikimet në lidhje me shtetasin në fjalë.<br /><br />Prokuroria po vijon hetimet, pasi ka dyshime se këto para janë përfituar nga veprimtaria kriminale e trafikimit të lëndëve narkotike në Zvicër.<br />Për më shumë lexoni në: <br />http://www.oranews.tv/article/lezhe-sekuestrohet-pasuri-me-vler-52-mln-euro
