Reshjet e shiut prej disa ditësh kanë "pushtuar" vendin tonë, ndërsa në zonat malore vijojnë që të jenë në formë dëbore, më të shumta në qarkun e Dibrës.<br /><br />Zona e Lurës është në mungesë të energjisë elektrike prej 24 oreve. Probleme me elektricitetin ka pasur edhe Kalaja e Dodës. Në të gjithë qarkun rreth 115 familje kanë mbetur të bllokuara për shkak të dëborës, ndërsa probleme ka pasur edhe me energjinë elektrike.<br /><br />Në zonë për të rregulluar defektet lidhur me energjinë elektrike kanë dalë rreth 300 punonjës të OSHEE-së.<br /><br />Ndryshe është situata në Kukës. Shkrirja e borës dhe reshjet e shiut, po ndikojnë në rritjen e prurjeve të lumenjeve në liqenin e hidrocentralit të Fierzës të cilat u shtuan me 230 meter kub në sekondë duke e rritur me 75 cm nivelin e liqenit në vetëm 24 orë.<br /><br />Por megjithëse ka një rritje të nivelit të Fierzës situata hidrike paraqitet e njëjtë si në muajt e verës. Aktualisht niveli i liqenit të Fierzës është 274 metra mbi nivelin e detit.<br /><br />Ndërkohë, përmirësimi i motit ka ndikuar edhe në hapjen e rrugëve nga bashkia e Kukësit. E vetmja njësi administrative e bllokuar është ajo e Arrenit. <br /><br />ke.mu.
