Subscribe në Ora News këtu http://bit.ly/1s5j7UT<br />#oranews<br />Shpesh shumë kush shprehet se vendi ynë, nuk bëhet, megjithëse Zoti na ka dhënë shumë bukuri natyrore, shumë pasuri mbi e nëntokësore, klimë të mirë dhe të shumëllojshme, pozicion të favorshëm gjeografik.<br /><br />Jemi një popull i vjetër, me histori krenare dhe me gene të forta e të mira, por?<br /><br />Por në më të shumtën e herës na mbizotëron pesimizmi, për të sotmen dhe të nesërmen dhe me rrënjosjen e bindjes se megjithatë, ka diçka të madhe që nuk shkon, ka diçka negative dhe të pandreqshme në mënyrën se si vetëqeverisim burimet dhe energjitë tona, natyrore e pasurore dhe pse jo edhe energjitë shpirtërore e psikologjike.<br /><br />Kush e ka fajin që në Shqipëri, mbizotëron mosbesimi dhe pesimizmi?<br /><br />E kaluara e mbushur plot zhgënjime dhe konflikte, e mbizotëruar nga udhëheqës politikë arrogantë, egoistë, pa dhimbsuri për njerëzit dhe pa vlera të mirëfillta atdhedashëse?<br /><br />Një vend i vogël, e megjithatë i copëtuar, i përçarë, me disa fe dhe besime, në më të shumtën e rasteve në konflikt me pushtetin e vet dhe krejt mosbesues ndaj shtetit të vet, që është sjellë shpesh me popullin e tij, më shumë si armik e shfrytëzues, se sa, si mbrojtësi i interesave kombëtare e popullore?<br /><br />Por si krijohet dhe nga lind dhe si mund të zhvillohet energjia pozitive, në këtë vend dhe në këtë bashkësi njerëzore, ku mbizotëron depresioni, mosbesimi, urretja dhe fatalizmi?<br /><br />Energjia pozitive është një fjalë në ajër, apo një gjë e prekshme, një gjë e rëndësishme që ushqen dhe përcakton të përditshmen tonë?<br /><br />Kemi pra shanse të vetëkorrigjohemi dhe të rizgjojmë një Shpresë të re, njerëzore, kombëtare, vëllazërore më sa më pak urrejtje dhe me sa më shumë energji pozitive?<br /><br />Mision i pamundur? Apo s'ka asgjë të pamundur kur ekziston një vullnet i fortë dhe i kthjellët??<br /><br />Jemi ne që pjellim një klasë politike të shëmtuar apo është politika që përcakton varfërinë dhe shëmtinë tonë të përditshme?<br /><br />Apo jemi të vetëpushtuar nga pjesa më e pakulturuar, nga njerëzit më të shtirur, nga individët më pavlera dhe që shkelin dhe nëpërkëmbin besimin naiv dhe fëminor të shqiptarëve që vijojnë të besojnë te gjërat dhe njerëzit e gabuar?<br /><br />Shumë pyetje, pak përgjigje dhe gjithmonë e më pak shpresa!?<br /><br />Por dukshëm Shqipëria e sotme, edhe më shumë se sa Shqipëria e djeshme, ngjan si një krijesë e plagosur për vdekje, që qëndron me një këmbë dhe që mbi trupin e saj, ka shumë koka të nxehta, gënjeshtare, në konflikt të pa reshtur për pushtet, që na dërgojnë drejt greminës?<br />Për më shumë lexoni në: <br />http://www.oranews.tv/article/shqiperia-me-nje-kembe-dhe-me-shume-koka-te-nxehta?fbclid=IwAR3lE_ZTvBU3VcZG5V2wNPQ_v-mzO8HZnRuXyVPzqAyhvdNwCWFg8bbHas0
