Pas takimit me studentët e Fakultetit Juridik që kërkojnë lirimin e mjediseve të shkollës për të rinisur proçesin mësimor, Rektori Mynyr Koni ka pritur këtë të shtunë një grup nga studentët e ngujuar.<br /><br />Për rreth 60 minuta ata kanë biseduar rreth situatës së krijuar në Fakultetin e tyre dhe për kërkesat që parashtrojnë.<br /><br />"Ne kërkuam mbështetjen e rektorit për anulimin e Ligjit të Arsimit të Lartë".<br /><br />"Do jetë senati që do të marrë një vendim".<br /><br />Mësimi ka vijuar edhe këtë të shtunë në godinën e Universitetit Politeknik, për të zëvendësuar orët e humbura mësimore.<br /><br />Paralajmërimi i pedagogëve për fillimin e një greve të përgjithshme në rast se Qeveria nuk merr masa konkrete për zbatimin e kërkesave të tyre, ku përfshihet fillimi i procesit legjislativ për hartimin e një ligji të ri për Arsimin e Lartë, është komentuar nga Ministrja e Arsimit, Besa Shahini. Nga emisionin ?Zonë e Lirë? ministrja tha se ligji i arsimit nuk mund të rrëzohet brenda një jave.<br /><br />Ministrja shtoi se deri më tani nuk ka marrë asnjë letër zyrtare nga pedagogët për kërkesat e tyre.
