Ka degjeneruar në përplasje mes studentëve të ngujuar dhe atyre që duan mësim, situata e krijuar prej disa ditësh në Fakultetin e Drejtësisë.<br /><br />Studentët që janë pro zhvillimit të mësimit tentuan të zhbllokonin hyrjen e fakultetit, e cila qëndron e mbyllur me karrige dhe tavolina.<br /><br />Por ata kanë hasur në rezistencë nga studentët e ngujuar, të cilët duan rrëzimin e ligjit të arsimit të lartë e për këtë arsye nuk lejojnë as të tjerët të ndjekin procesin mësimor.<br /><br />Nga konflikti, një studente mbeti e lënduar. Dekani i Fakultetit të Drejtësisë Artan Hoxha i kërkoi rektoratit dhe ministrisë së arsimit që të sigurojë kushte që mësimi të zhvillohet në ambiente të tjera, nëse nuk lirohen ambientet e këtij fakulteti.<br /><br />Mësimi në Fakultetin e Drejtësisë është bojkotuar prej dy muajsh. E njëjta situatë është edhe në fakultetin e shkencave sociale dhe atë të Histori-Filologjisë. Ndërsa pjesa tjetër e fakulteteve vijon normalisht mësimin.<br /><br />Studentet që janë pro zhvillimit të mësimit edhe te Juridiku, Shkencat Sociale dhe Histori?Filologjia kanë zhvilluar edhe protesta para rektoratit për të kërkuar zgjidhje dhe për të rikuperuar kohen e humbur për shkak të bllokimit të auditorëve, por deri tani nuk kanë gjetur zgjidhje.<br /><br />Tv Klan
