Për të shlyer borxhin e babait të saj, tregtar, e bukura burgoset nga Bisha në një kështjellë të mbushur me sende shtëpiake magjike. E frikësuar nis të miqësohet me stafin e kështjellës, derisa arrin sheh përtej pamjes së jashtme të Bishës, që në të vërtetë është një princ zemërmirë. Bëhet fjalë për përrallën e njohur ?E bukura dhe bisha?, që këtë fundjavë që lamë pas bëri për vete spektatorët e vegjël në Teatrin e Kukullave. Jorida Meta është aktorja që ka veshur petkun e së Bukurës. Ajo na rrëfen ?Report TV? punën që ka bërë për këtë muzikal, që erdhi nën regjinë e Endri Çelës.<br /><br />Muzikali është zhaneri më i vështirë në teatër. Është një punë shumë e bukur, shumë e lodhshme edhe do një përgatitje më të gjatë sesa shfaqja që ne mund të vëmë me kukulla. Ne punuar shumë dhe ja dolëm, sa i përket qasjes tek spektatori mendoj se kemi bërë një punë shumë të bukur me dashuri.<br /><br />Jorida Meta, Aktore<br />Vepra ka një mesazh shumë të fortë, për aktoren, sepse fëmijët i mëson se si të luftojnë për të arritur më të mirën<br /><br />Një vajzë kapriçoze që kërkon të pamundurën, e gjen këtë të pamundur në një krijesë që siç është bisha, të frikshme në pamje të jashtme, ajo mundohet të shikojë brenda shpirtit të tij.<br /><br />Jorida Meta, Aktore<br />Jorida prej 13 vitesh është pjesë e Teatrit të Kukullave, por nuk e harron as sot, fillimin si artiste.<br /><br />Në momentin që më kanë thënë për të qenë në Teatrin e Kukullave kam thënë jo, është një pasazh që e kujtoj përherë, kam thënë: Jo, se në momentin që ne mbarojmë akademinë kemi ëndrra shumë të mëdha. Ëndrrat për të luajtur në skenat e mëdha deri në Hollivud, mirëpo pastaj njeriu vjen me këmbë në tokë. Në momentin që kam nisur në Teatrin e Kukullave e kam shijuar shumë, se ata duartrokasin pa hile. Gjëja e parë që kam mësuar është që fëmijë nuk e gënjen dot. Janë shumë të zgjuar dhe një gjë që nuk u pëlqen ta thonë troç. Unë luaj do luaj edhe do vazhdoj që të luaj edhe në film, por emocionet që të japin ata janë shumë të mëdha.<br /><br />Jorida Meta, Aktore<br />Për të kritiku më i besuar për çdo shfaqje është djali i saj, sot 11 vjeç.<br /><br />Djali im është 11 vjeç, është rritur në Teatrin e Kukullave. Ka parë çdo shfaqje timen. Është nga ata fëmijë, që unë e marrë edhe e sjell në provë gjenerale për të kuptuar impresionon e tij.<br /><br />Jorida Meta, Aktore<br />Aktroja bën thirrje që fëmijët ta frekuentojnë më shumë teatrin.<br /><br />Unë bëj gjithmonë një propagandë, sepse unë e shikoj si prind, që fëmijën sapo e ke të lirë do të kap telefonin. Në momentin që e sjell këtu atë një orë apo dy orë që shpenzon për të parë shfaqjen, është mënyra më e mirë, për të shpenzuar kohën e lirë një fëmijë. nuk kushton asgjë, si nga vlera monetare, por edhe nga shpirtërore, apo edhe nga ana intelektuale, që e mëson fëmijën që të shikoj një shfaqje. Prindërit duhet që të bëhen më të ndërgjegjshëm. Nuk na ka munguar asnjëherë spektatori në teatër, madje të vjen keq, kur i thua fëmijës që do të mbesë jashtë është dramë. Prindër sillni sa më shumë fëmijët në teatër, sepse do të kënaqen shumë edhe...
