Studentët e Fakultetit të Drejtësisë u rikthehen auditoreve, por në ambientet e shkollës së mesme ?Petro Nini Luarasi?. Në bazë të urdhrit të Ministrisë së Arsimit, në orën 14:00 të së mërkurës studentët u mblodhën në oborrin e gjimnazit ?Petro Nini Luarasi? për të vijuar normalisht mësimin sipas orarit të përcaktuar nga Dekanati.<br /><br />Studentët që bojkotojnë mësimin tentuan bllokimin e auditoreve dhe ndaluan studentët të futen në ambientet e gjimnazit. Ata mbyllën derën kryesore me zinxhirë dhe u larguan. U desh ndërhyrja e një punonjësi të shkollës nga jashtë derës për të thyer drynin.<br /><br />Shumica e studentëve që u paraqitën për mësim ishin kundër bojkotit, i cili po rrezikonte vitin akademik 2018-2019.<br /><br />"Kërkesa kryesore për tarifat u plotësua, nuk mund të humbisnim vitin akademik me bojkot. Edhe pse nuk ëhstë shumë normale të zhvillohet mësim këtu, ishte alternativa e vetme", thonë studentët.<br /><br />Dekani i fakultetit Artan Hoxha tha se për shkak të numrit të madh të studentëve që ju rikthyhen mësimit, në dispozicion janë 38 klasa studimi për leksione dhe seminare.<br /><br />"Me një orar të rishikuar dhe në afatin që të përmbyllin semestrin e parë me sukses, procesin mësimor do ta zhvillojmë tek "Petro Nini" pasdite dhe të shtunë e të dielë. Janë 38 klasa, ne këtë ushtrim e kemi bërë edhe disa vite kur fakulteti ishte në rikonstruktim. Shpresojmë që edhe stduentët që janë në ambientet e fakultetit të ndjekin procesin mësimor, pasi të gjithë këta stduentë janë protestues".<br /><br />Pedagogët e cilësuan të drejtë vendimin e studentëve për të vijuar normalisht mësimin.<br /><br />"Është e drejta e tyre të zgjedhin të bojkotojnë dhe është e drejtë e studentëve të tjerë të zhvillojnë mesim, ne jemi të detyruar të paraqitemi për këtë pjesë. Është e drejtë e pedagogëve të zgjedhin ose jo grevën", tha një pedagoge.<br /><br />Ndërsa studentët që mbajnë të bllokuar ambientet e fakultetit thonë se nuk tërhiqen nga bojkoti.<br /><br />"Do vijojmë me bojkot deri në 1 Shkurt kur të vendosin edhe pedagogët për grevën".<br /><br />Pjesa tjetër e fakulteteve kanë zhvilluar normalisht mësimin.<br /><br />Tv Klan
