ELBASAN- Drejtoria e Policisë dhe skuadra Shqiponja kanë kryer disa kontrolle brenda në qytet duke shoqëruar disa persona.<br /><br />Sipas gazetarit të Report Tv, Aldo Kozarja personat janë shoqëruar për verifikim në komisariat ndërkohë që mesditën e sotme ka qenë prezent dhe drejtori i SHÇBA, Muhamet Rrumbullaku.<br /><br />Burime për Report Tv bëjnë me dije Rrumbullaku në një takim me strukturat drejtuese e zyrtarë të Drejtorisë së Përgjithshme u ka kërkuar drejtuesve hetimin dhe goditjen e kriminalitetit në qarkun e Elbasanit, si dhe kujdes në shoqërimin e personave me të shkuar kriminale.<br /><br />Mësohet se kontrollet gjatë ditës së sotme janë bërë me qëllim parandalimin e personave të cilët qarkullojnë me armë, lëndë narkotike dhe persona të shpallur në kërkim.
