Takimi me studentët e Univeristetit të Shkodrës dhe ministres së Arsimit, Besa Shahinit i vendosur për tu mbajtur pasditen e sotme dështoi. Arsyeja duket se ka qënë prania e kamerave dhe medias, deklaratat për të cilat nga të dyja palët janë kontradiktore. <br /><br />Jashtë Universitetit, teksa ministrja po futej në makinë për tu larguar nga ambjentet ku edhe do të zhvillohej takimi, një prej studenteve tha: Përderisa kjo nuk pranon kamerat do të thotë që ne jemi në të drejtën tonë.<br /><br />Më pas në një prononcim për mediat e pranishme, njëri prej studentëve tha se ngjarja e ndodhur ishte e padëshiruar pasi ata donin që ta zhvillonin takimin me ministren për të cilën kishin shumë pyetje sa i përket Paktit për Universitetin. <br /><br />?Ka ndodhur një incident i padëshiruar. Kërkuam praninë e kamerave, ato nuk u pranuan. Ministrja nuk pranon kamerat dhe nuk takon studentët. Ministrja largon dhe braktis studnetët. Na tradhëtoi dhe braktisi sallën sepse pyetjet dhe përgjigjet e saj do t?i dëgjonte e gjithë Shqipëria. Kishim shumë pyetje për të. Ligji i Arsimit të Lartë është ligj klientelist. Ne i presim sërish nëse ata duan që të ndërmarrin reforma konkrete.?<br /><br />Ndërsa ministrja e Arsimit Besa Shahini ka reaguar pas refuzimit të studentëve të Universitetit të Shkodrës për zhvilluar takimin e vendosur me ta për të diskutuar lidhur me Paktin për Universitetin. Për të zhvilluar takimin me të, studentët kishin kërkuar që në sallë të mos kishte prani kamerash dhe kamerash.<br /><br />?Keqardhje ndaj dhjetra studentëve të Universitetit të Shkodrës që më kishin kërkuar takim për të diskutuar për Paktin për Universitetin me kushtin që takimi të bëhej pa media, e që nuk erdhën sepse salla ishte mbushur me kamera. Jam në dispozicion për takim tjetër kurdoherë,?- shkruante ministrja pas anulimit të takimit.
