Lulzim Basha prezantoi përpara shoqatave të biznesit dhe sipërmarrësve katër shtyllat e programit ekonomik të Partisë Demokratike, përmes të cilave tha se synohet dalja e vendit nga kriza e trefishtë ku e ka futur qeveria.<br /><br />"Për biznesin e vogël, brenda 100 ditëve të para, do të realizohet rritja e kufirit të regjistrimit për TVSH nga 2 milionë lekë xhiro vjetore në 14 milionë lekë ose 140 mijë dollarë. Uljen e kontributit të sigurimeve shoqërore nga rreth 24% në 18% për të vetëpunësuarit, ndërsa për të punesuarit 9%".<br /><br />Por biznesi i kërkoi prova besimi dhe e ftoi Lulzim Bashën që hapin e parë për këtë bashkëpunim ta nisë që tani në opozitë, duke përdorur të gjithë instrumentat parlamentarë.<br /><br />"Ne ende nuk e shohim opozitën si alternativë mbështetëse të propozimeve tona".<br /><br />"Nëse opozita tregohet e gatshme që këto nisma të lancohen edhe tani në Parlament, kjo është një ndër provat e forta".<br /><br />Prezantimin e platformës ekonomike, Lulzim Basha e ndau edhe me përfaqësues të biznesit dhe qytetarë të Durrësit , ku vijoi akuzat ndaj kryebashkiakut Dako përpara zyrës së këtij të fundit.<br /><br />"Prokuroria ta arrestojë, përndryshe do ja verë prangat populli".
