#oranews<br /><br />Mbrëmja e së dielës ka mbledhur bashkë në një darkë liderët shtetërorë të Kosovës dhe partnerët e koalicionit qeverisës. I ftuar special i tyre ka qenë edhe kryeministri i Shqipërisë, Edi Rama.<br /><br />Nga darka, ku përveç kryeministrit Rama, ishin edhe presidenti Hashim Thaçi, kryeministri Ramush Haradinaj, kryeparlamentari Kadri Veseli, së bashku me zëvendëskryeministrin Fatmir Limaj dhe ministrin e Punëve të Jashtme, Behgjet Pacolli, akush nuk ka bërë publik vendin, detajet dhe qëllimin e takimit.<br /><br />Por, fotografinë e ka postuar në profilin e tij në Instagram, fillimisht i biri i presidentit Thaçi, Endriti, dhe më pas dhe kryeministri Rama. Mediat kosovare shkruajnë se fotoja mund të jetë bërë në shtëpinë e presidentit Thaçi.<br /><br />Marrë shkas nga zhvillimet e fundit, mendohet se në fokus të bisedës së tyre ka qenë taksa ndaj Serbisë.<br /><br />Takimi vjen në kohën kur raportet mes presidentit Thaçi dhe kryeministrit Haradinaj, janë në shkallën më të lartë të acarimit si pasojë e taksës së vënë ndaj mallrave të Serbisë, por edhe kundërshtimit nga kryeminsitri të idesë së presidentit Thaçi për ndryshim të kufijve të Kosovës.<br /><br />Po ashtu darka vjen një ditë pas miratimit të buxhetit të Kosovës për vitin 2019 dhe votimit të Projektligjit për Dialogun.<br /><br />Të dielën ka qarkulluar edhe një dokument i prezantuar nga kryeparlamentari Veseli, në të cilin parashihet pezullimi i taksës për 120 ditë dhe gjatë kësaj kohe Serbia duhet të plotësojë 10 kushte.<br /><br />Nuk dihet nëse Thaçi dhe Rama ia kanë dalë ta bindin kryeministrin Haradinaj të heqë ose pezullojë taksën ndaj mallrave të Serbisë, kur dihet se ky i fundit është kategorik që ajo të mbetet deri në njohjen e Kosovës nga Serbia.<br /><br />Për më shumë lexoni në: <br /><br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz
