http://www.vizionplus.tv<br />https://facebook.com/VizionPlusTV<br />https://instagram.com/VizionPlusTv<br />https://twitter.com/VizionPlusTV<br />Të arrestuarit e operacionit ?rruga e gabuar?, të akuzuar si pjesë e një grupi kriminal që trafikonte klandestinë drejt vendeve të BE-së dolën në gjykatën krimeve të rënda, për rivlerësimin e masës së sigurisë.<br /><br /> <br /><br />Pas një seance maratonë të nisur që në orët e para të mëngjesit, gjyqtarja Irena Gjoka dëgjoi pretendimet e të arrestuarve, si dhe provat e gjetura për ta nga prokurori Vladimir Mara.<br /><br /> <br /><br />Me anë të avokatëve mbrojtës, të akuzuarit i kërkuan gjykatës tu caktohej një masë më e butë sigurie.<br /><br /> <br /><br />Të shtunën policia e shtetit arrestoi në disa qytete të ndryshme 32 persona, ndërsa 4 të tjerë, që dyshohet se ishin dhe krerët e grupit, vijojnë të jenë në kërkim.<br /><br /> <br /><br />Me të arrestuarve, është edhe Simon Këri, kryetar i Shoqatës së etnisë Vllahe. Sipas prokurorisë, për shkak të lidhjeve që ai ka në Shqipëri dhe Greqi, e duke bashkëpunuar me persona të tjerë, ai merrte përsipër sigurimin e dokumenteve me qëllim emigrimin e shqiptarëve në SHBA, Angli dhe në Kanada.<br /><br /> <br /><br />Rol kyç në këtë grup kishte dhe Dritan Gramozi, i shpallur në kërkim, i cili në bashkëpunim me disa persona siguronte dhe prodhonte dokumentet false duke mundësuar më tej edhe kalimin pa problem në kufi, në Qafë Botë, Kakavijë dhe në Rips.<br /><br /> <br /><br />Grupi i trafikantëve akuzohet se i kanë krijuar lehtësi kalimi në kufi edhe personave me rrezikshmëri të lartë disa prej të cilëve anëtarë të bandës së Shijakut.<br /><br /> <br /><br />Nga përgjimet ka rezultuar se një nga të pajisurit me dokumente false ishte edhe Hajri Seferi, i arrestuar nga operacioni ?Volvo 4?.
