Një krim i rëndë në familje tronditi qytetin e Vlorës. Ky është Teodor Lera, i cili mbyti gruan e tij që shihni në foto pas një sherri dhe më tej tentoi të vrasë veten, duke prerë damarët. Ngjarja e rëndë ndodhi mesditën e së mërkurës në banesën e çiftit.<br /><br />Fqinjët tregojnë se 57-vjeçari prej kohësh keqtrajtonte bashkëshorten. Një vit më parë ai i kishte çarë kokën pas një zënke 45-vjeçares. Për këtë ngjarje Teodor Lera është arrestuar nga policia, por më pas është hetuar në gjendje të lirë.<br /><br />Çifti Lera janë prindër të tre fëmijëve dhe në momentin kur ndodhi krimi ndodheshin vetëm në shtëpi. Dy nga fëmijët janë emigrantë në Angli dhe Amerikë, ndërsa vajza e vogël është studente në Tiranë.<br /><br />Tv Klan
