Lulzim Basha u kërkoi si mirditorëve ashtu dhe gjirokastritëve të vendosen në ballë të protestës së 16 Shkurtit për ti hapur rrugën krijimit të një qeverie teknike.<br /><br />Sipas Bashës fjalët nuk bëjnë më punë, pasi Edi Rama ka përqendruar në duart e tij të gjithë pushtetet përfshirë dhe atë të drejtësisë. Pasojat për të u dëshmuan me vendimin e gjykatës për Dritan Dajtin.<br /><br />" E patë çfarë ndodhi, vrau 4 policë dhe e dënuan me 25 vjet".<br /><br />Edhe pse programin politik thotë se e ka gati dhe do ta prezantojë, pasi të largojë Edi Ramën nga zyra kryeministrore të shtunën e ardhshme, Basha rendit disa nga prioritetet mes të cilave hapjen e vendeve të reja pune dhe rritje të pagave e pensioneve.<br /><br />Basha i siguroi demokratët se nuk do të ketë më marrëveshje si ajo e 18 Majit me Edi Ramen.<br /><br />Në Vlorë kreu i demokratëve u ndal në një takim me pedagogë të Universitetit Ismail Qemali, ku prezantoi platformën e tij për të çuar në 5% të PBB buxhetin e arsimit dhe heqjes së tarifave shkollore për të gjithë studentët me të ardhura të ulëta.<br /><br />Basha tha se edhe pse në të shkuarën demokratët kanë bërë gabime në emërimet korruptive në arsim, kjo nuk do të ndodhë më.<br /><br />Tv Klan
