Qeveria bashkë me Federatën e sindikatës së minatorëve do të përgatisë draftin për statusin e minatorit i cili pritet të kalojë në fund të këtij muaji.<br /><br />Kryetari i Federatës së Sindikatës së Punonjësve të Industrisë, Taf Koleci në një deklaratë për mediet u shpreh se shumë shpejt do të kalohet në qeveri dhe më tej në parlament statusi i minatorit, ashtu siç është përgatitur nga grupet e interesit, sindikata dhe qeveria.<br /><br />?Drafti i dakordësuar është që do të përfitojnë të gjithë ata minatorë, të cilat kanë një vjetërsi pune mbi 10 vjet e 6 muaj. Edhe ata që kanë 7 vjet apo 6 vjet do të përfitojnë vjetërsinë e punës në bazë të këtij projektligji që do të dalë tani?, u shpreh Koleci.<br /><br />Përveç vjetërsisë, minatorët tha Koleci, ?përfitojnë edhe tek paga e cila do të llogaritet me pagën minimale të vendit herë 1.4 që shkon rreth 380-400 mijë lek pensioni. Do të llogaritet edhe fasha e të gjithë punonjësve që kanë dalë në pension që para viteve 90 e deri tani në 2015. Edhe ata që kanë 2 vjet pa dalë në pension edhe ata e përfitojnë?.<br /><br />Koleci ka ftuar edhe sindikatat e tjera, të cilat kanë sjellë amendamentet e tyre që të vijnë dhe të ulen në tryezë.<br /><br />?Ne u bëjmë thirrje të gjithë minatorëve në të gjithë Shqipërinë kudo që ndodhen, që ata do të jenë të kënaqur me këtë projekt/status dhe këtë lëvizje që po bën Federata e Sindikatave të Shqipërisë së bashku me Konfederatën dhe grupet e interesit të minatorëve?, tha Koleci.<br /><br />Ai gjithashtu theksoi se, ?nuk do të lejojmë asnjë person që të shkelë rregullat dhe të dalë në protestë përpara zyrave qeveritare, grupe të caktuara që nuk kanë interesin e sindikatave?.<br /><br />?Ne jemi grupi më i madh që përfaqësojmë të gjithë minatorët e Republikës së Shqipërisë, përfaqësojmë rreth 8 mijë veta?, tha Koleci.<br /><br />Paraditen e sotme një grup minatorësh protestuan sërish para Kryeministrisë duke kërkuar miratimin e statusit. Ata paralajmëruan se do të futen në grevë në rast se nuk miratohet statusi, dhe i lanë afat qeverisë që të plotësojë kërkesat e tyre deri më datë 22 shkurt.
