Kimë me vezë<br /><br />Përbërësit:<br />4-5 kokrra qepë<br />1 karrotë<br />1 degë selino<br />400 gr mish i grirë<br />2-3 domate ose pure domate<br />1 filxhan kafe ujë<br />Kripë dhe piper i zi<br />1 lugë kafe piper i kuq<br />4 kokrra vezë<br />4 lgj vaj ulliri<br />Majdanoz<br /><br />Përgatitja:<br />Vendosim një tigan të thellë me 4 lugë gjelle vaj ulliri. Sapo vaji të nxehet shtojmë qepën të prerë në fije të holla. E kaurdisim qepën deri sa ajo të tretet mirë. Shtojmë në të karrotën e grirë në rende, selinonë e prerë hollë dhe i kaurdisim së bashku.<br /><br />Shtojmë mishin e grirë dhe i kaurdisim së bashku deri sa mishit ë ndryshojë ngjyrë dhe të thërrmohet.<br /><br />Shtojmë domatet të qëruara dhe të prera në kubikë. E lëmë të ziejë për 5 minuta, shtojmë piper të kuq, pak ujë e piper të zi. I vendosim kapakun dhe e lëmë të ziejë për 5 minuta të tjera. Kur uji të ketë shteruar shtojmë vezët dhe mund të transferojmë kimën në furrë ose i vendosim kapakun dhe e lëmë deri sa veza të mpikset. E servirim duke e spërkatur me pak vaj ulliri dhe majdanoz.
