Gjykata e Vlorës ka caktuar masën e sigurisë "arrest me burg", me afat 40 ditë për gjashtë personat e arrestuar, pas aksionit të përbashkët mes policisë italiane dhe asaj shqiptare të organizuar dy ditë më parë.<br /><br />Seanca është drejtuar nga gjyqtar Ervin Trashi,ndërsa prokuror i çështjes ka qënë Dritan Marku. Të gjashtë personat të cilët u njohën sot me masën e sigurisë, janë mes 27 personave të arrestuar në kuadër të operacionit 'Lulet e Pranverës', mbi të cilët rëndon akuza për trafik ndërkombëtar lëndësh narkotike. <br /><br />Luka Beqiraj,Bilbil Kabeloo, Arbnor Hoxhaj, Denis Pashaj, Kujtim Elmazi dhe Kristian Llanaj janë personat të cilët dolën sot para gjykatës së Vlorës për caktimin e masës së sigurisë.<br /><br />Prokurori ka kërkuar masën arrest në burg me afat 40 dite deri në mbërritjen e dosjes nga Italia, teksa personat janë arrestuar me një letër porosi nga shteti italian. Ndërkohë gjatë seancës, avokatët e të pandehurve kanë kërkuar ndryshim të masës së sigurisë.<br /><br />Një pjesë e tyre kanë kërkuar ekstradim ,ndërsa një pjesë tjetër kanë kërkuar masë sigurie më të lehtësuar.
