Pjesa e dyte Dt 15 Shkurt Pa Gjurme- Lind djalin me tutorin e saj/ 40-vjeçarja firake tregon peripecitë dhe si I rrëmbyen foshnjen në Itali<br />Historia e saj është historia e njërës prej atyre. Vajzave shqiptare që kanë rënë pre e prostitucionit, te mashtruara dhe të detyruara të dalin trotuareve të Europës. Për shumë prej tyre fati nuk I dihet ende. L.T u njoh me djalin nga Patosi Arturin. Ajo ishte ende një e mitur kur mes tyre lindi një dashuri si kristali.<br /><br />Familja nuk dinte asgjë për këtë marrëdhënie, deri në momentin kur të rinjtë vendosën të jetonin bashkë dhe L. të largohej nga shtëpia fshehurazi, pa i thonë asgjë familjes. Ditën e tretë të jetës, që nisën bashkë, Arturi i kërkon L. të iknin nga Shqipëria për në Firence të Italisë. Kjo ndodhi në vitin 1994. Të dy u larguan me gomone nga Vlora bashkë dhe me një grup emigrantësh. Mbërritën në Brindizi dhe pasi morën trenin udhëtuan drejt Firences.<br /><br />Ata u vendosën tek shtëpia e një shoku të Arturit aty ku ndodheshin edhe 5 vajza të tjera. L ishte ende një vajzë e brishtë dhe e mitur, ajo dashuronte Arturin pa e ditur se mbreti i dashurisë së saj kishte të tjera vizione për të dhe të ardhmen e tyre. Rruga me emrin ??Via Karshina??në Firence do të ishte për L. kryqëzimi I fatit të trishtë të saj. Ajo u detyrua të dilte në rrugë dhe të prostituonte. Endrrat u thyen dhe dashuria gjithashtu, L. tashmë ishte shumë larg të afërmëve të saj dhe shumë pranë rreziqeve që e prisnin pas kësaj. Ditën e daljes në rrugë policia arreston 5 vajzat bashkë me L. e vogël. Ajo i rrëfen të vërtetën nga ku policia e dërgon në një qendër sociale për minorenet.<br /><br />Policia bënë kontroll në shtëpinë ku Arturi mbante vajzat. L. ndërkohë vijonte të qëndronte në qendër ndërsa nuk e kishte kuptuar se kishte mbetur shtatzënë. Ajo ishte tre muajshe. Një familje italiane , e cila kishte lidhje me qendrën ku rehabilitohej L.<br /><br />Sergo D. është personi që strehonte në shtëpinë e tij femrat që ishin shtatzënë. L. lind djalin në korrik të vitit 1995 dhe vendos ta quaj Renato. 2-ditë më pas L. nën prezencën e asistentes sociale firmos një dokument, me pretendimin e daljes nga spitali.
