PATOS-Një 53-vjeçar është qëlluar më armë zjarri dy herë në gjoks mbrëmjen e sotme. I plagosuri është Edmond Fejzullahu ndërsa ngjarja ka ndodhur rreth orës 21:15 minuta.<br /><br />Ai ishte në makinë në momentin që është qëlluar disa herë me armë zjarri, ndërsa dy plumba e kapën në gjoks, por fatmirësisht arriti që të shpëtonte.<br /><br />Gazetari i Report Tv në Fier, Kristaq Thano raporton se pavarësisht plagëve, 53-vjeçari ka shkuar vetë me makinën e tij në spital. <br /><br />Aktualisht ai ndodhet nën kujdesin e mjekëve në gjendje kritike për jetën, ndërsa policia ka nisur hetimet për të zbardhur ngjarjen.
