Kompjuterat që shërbenin për të aksesuar sistemin informativ qëndrojnë ende në hollin e fakulteteve, edhe pse jashtë funksionit. Në Fakultetin e Historisë dhe të Filologjisë, hapësira e tyre është kthyer në zyrë kontakti dhe për këshillimin e karrierës. Të parët që përballen me vështirësitë që ka krijuar mungesa e sistemit janë studentët.<br /><br />"Sistemi ka funksionuar kur ishim në vit të parë. Tani jo. Aty merrnim shërbime si notat, oraret, ankimimet, dhe shmangej radha në zyra".<br /><br />"Sistemi ka 2 vite nuk po funksionon, unë nuk jam regjistruar fare", shprehet një tjetër studente.<br /><br />"I marrim shumë prej shërbimeve tek Sekretaria".<br /><br />Shqetësimin e ngrenë edhe pedagogët, që janë detyruar t?' rikthehen edhe njëherë letrës dhe lapsit për të mbajtur të dhënat e studentëve.<br /><br />Mosfunksionimi i sistemit, sipas Dekanit të Fakultetit Juridik, ka penguar edhe hartimin e listave të studentëve që përfitojnë nga ulja e tarifave.<br /><br />Për të marrë një përgjigje për mosfunksionim e sistemit informativ ju drejtuam Rektoratit të UT, ku na u tha se ende nuk është bërë tenderimi për një fond të ri për mirëmbajtjen e sistemit.<br /><br />Kjo çështje është kthyer në debat mes Rektorit dhe administratorit se kush i ka kompetencat për të mbikëqyrur funksionimin e sistemit. Deri në gjetjen e një zgjidhje, studentët do të ndjekin metodën e vjetër, atë të pyetjes në Sekretari për notat dhe gjithçka tjetër lidhet me studimet e tyre.<br /><br />Tv Klan
