Një fshat i tërë është i detyruar të konsumojë ujë të ndotur në mungesë të një alternative tjetër. Bëhet fjalë për fshatin Bedyqas pjesë e Bashkisë së Këlcyrës. Fshati me 300 banorë, në mungesë të zgjidhjes së problemit jetik, kanë kërkuar ndihmën e Report TV, për të bërë publik shqetësimin që po i tmerron prej kohësh.<br /><br />Depoja që grumbullon lëngun jetik të këtyre banorëve, është shndërruar në strehë brejtësish, insektesh apo dhe fole për zogjtë shtegtarë. <br /><br />Banorët kanë kërkuar disa herë vëmendje nga Bashkia apo Ndërmarrja e Ujësjellësit karshi këtij problemi, por deri tani, zgjidhja ka munguar.<br /><br />Për shqetësimet e këtij komuniteti, kemi kërkuar informacione nga Ndërmarrja e Ujësjellësit në Bashkinë e Këlcyrës. Por, dera e zyrës së drejtorit, ka qenë e mbyllur përgjatë gjithë ditës pasi ai ishte informuar për prezencën e grupit të xhirimit të Report TV në fshatin Bedyqas.<br /><br />Kjo është drama që po përjeton ky komunitet ku është dënuar me vuajtje deri në helmim masiv prej ujit që sjell veç sëmundje dhe shkatërrim
