#oranews <br /><br />I vetmi i mbijetuar nga atentati me armë zjarri i një dite më parë në Vlorë, Armando Sulejmani, është arrestuar nga policia e Vlorës.<br /><br />Masa e arrestit i është komunikuar në spital ku edhe po merr mjekim. Ai akuzohet për armëmbajtje pa leje, pasi i është gjetur në posedim një pistoletë.<br /><br />Pasditen e 17 shkurtit, Armando Sulejmani, anëtar i ish-bandës së Gaxhait por i hetuar si i përfshirë në një seri ngjarjes kriminale gjatë viteve të fundit në Vlorë, mbeti i plagosur në një atentat, ku dy persona të tjerë u vranë. <br /><br />42-vjeçari i njohur si Çipuri, mori dy plumba nga breshëria që i shkaktoi vdekjen kunatit Orest Rexho dhe mikut Arjan Hasani. <br />Tre burrave u bënë pritë në zonën e njohur si "Uji i Ftohtë" dhe aty autorët që mbeten ende të paidentifikuar zbrazën breshëri kallashnikovi ndaj makinës ku udhëtonin. <br /><br />Njëra nga viktimat u gjet në rrugë, ndërsa tjetra brenda një mjeti, duke ngritur dyshimet se ka tentuar për ti shpëtuar sulmit.<br /><br />Zona ku u shënua atentati duket se ishte e mirëmenduar për shkak të mungesës së kamerave të sigurisë që mund të çojnë në identifikimin e autorëve. <br /><br />Disa minuta pas ngjarjes në Babicë u gjet një makinë e djegur, për të cilën ka dyshime se u përdor për atentatin.<br /><br />Policia ka ngritur një grup të posaçëm për ngjarjen, por nuk jep detaje për krimin e radhës që dyshohet se lidhet me larjen e hesapeve mes grupeve kriminale në Vlorë.<br /><br />Një pjesë pistave që po hetohet është edhe ajo e njohur në Vlorë si seria e hakmarrjes së Llanajve, përgjegjës për masakrën me tre viktima të Çolës, pasi Sulejmani është dyshuar si porositës i atentatit ndaj Ferdinand Llanajt në vitin 2017. <br />Pasojë e kësaj sage, dyshohet se janë edhe vrasja e Albano Xhaferrit dhe zhdukja e Elvis Troqes, sikurse edhe atentati ndaj ndaj Mikel Mehmetit.<br /><br />Armando Sulejmani, personazh i njohur i krimit në Vlorë, i ka mbijetuar edhe një atentati më 23 maj të vitit 2016, kur u sulmua pranë shtëpisë me armë zjarri, ndërsa mbeti i plagosur në krah. <br /><br />Ndërsa Arjan Hasani rezulton i përfshirë në dosjen e përgjimeve për 23 ton drogë në Vlorë. <br /><br />Për më shumë lexoni në: <br /><br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz
