#oranews<br /><br />Mesatarisht 5 të rinj kërkojnë ndihmë mjekësore në spitalin e Fierit për shkak të intoksikimeve nga përdorimi i drogërave dhe alkoolit. Mjekët japin alarmin për përmasat e përdorimit që po marrin substancat e ndaluara, çka konfirmohet edhe vetë nga të rinjtë. Ata thonë se njohin bashkëmoshatarë që drogën e kanë në vend të bukës.<br /><br />"Njoh njerëz që drogën e kanë si puna e bukës.Njerëzit thonë se vuajnë për bukë, ata vuajnë për drogë. Droga u është bërë pjesë e jetës".<br /><br />Kjo dëshmi tregon përmasat e frikshme që ka marrë përdorimi i lëndëve narkotike mes të rinjve në qytetin e Fierit.<br /><br />Drogat e ?lehta? por edhe kokaina e heroina po shton përdoruesit, ndërsa në shumicën e rasteve historia e varësisë nis me një duhan e alkool që në moshën shkollore.<br /><br />Ndërsa si argument përdoren problemet social-ekononike, sikurse tendenca e adoleshentëve për tu ndjerë me të rritur, por me veprime të gabuara.<br /><br />"Pak nga pak bëhen të varur dhe nuk kanë zgjidhje se si ta lënë".<br /><br />Alarmi konfirmohet nga mjekët.<br /><br />Çdo ditë në spitalin rajonal të Fierit paraqiten 4 deri në 5 të rinj të intoksikuar me lëndë narkotike dhe alkool.<br /><br />Mjeku, Lulzim Banushaj, flet për raste ekstreme.<br /><br />Banushaj: Nga 4-5 veta që paraqiten në urgjencë në gjendje kome me intoksikim nga alkooli të përzier me drogat.<br /><br />Sipas një studimi të ISHP-së, drogat u janë ofruar më shumë se 8 % të të rinjve në mjedise të shkollës, 5-7% e personave të moshës 15-18 vjeç kanë eksperimentuar me kanabis, rreth 4% e tyre me ekstazi, mbi 1% heroinë dhe rreth 2-3% e te rinjve kanë eksperimentuar me kokainë.<br /><br />Për psikoterapistët, një pjesë e fajit është e prindërve.<br /><br />Laureta Roshi: Mendojnë si të sigurojnë pjatën e gjellës, kafshatën e bukës për fëmijët dhe nuk janë shumë të vëmendshëm ndaj shoqërive që ata zënë apo gjendjes shëndetësore të të rinjve.<br /><br />Rezulton se numri i përgjithshëm i të rriturve në Shqipëri, të cilët kanë provuar lloje të drogave të paligjshme shkon deri në 60 000, ndërsa shqetësimi i madh është se substancat e ndaluara po zënë vend gjithmonë e më shumë mes fëmijëve.<br /><br />Për më shumë lexoni në: <br />http://oranews.tv/article/rini-mes-droges-dhe-alkoolit-rritet-frikshem-numri-i-perdoruesve-ne-qytetin-e-fierit<br /><br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp
