Pa incidente kaloi protesta e opozitës që nisi nga sheshi para Parlamentit, për të përfunduar pas tri orësh në selinë e Partisë Demokratike. Deputetët që firmosën lënien e mandatit iu drejtuan mbështetësve si qytetarë të lirë për të vijuar bashkarisht betejën kundër qeverisë.<br /><br />Kryetari i Partisë Demokratike hoqi paralele mes situatës në Shqipëri dhe asaj në Venezuelë, duke paralajmëruar Kryeministrin Rama se nuk do t?i shpëtojë drejtësisë.<br /><br />Kreu demokrat iu përgjigj edhe shqetësimit të ndërkombëtarëve për vendimin e lënies së mandateve dhe dhunën e protestës së 16 Shkurtit.<br /><br />Më pas Basha u kërkoi protestuesve ta ndiqnin në rrugën drejt Kryesisë së Kuvendit ku opozita dorëzoi mandatet. Gjatë kalimit para Kryeministrisë, protestuesit hodhën parrulla për largimin e Ramës.<br /><br />Pas daljes nga Kryesia e Kuvendit, turma iu drejtua sërish selisë së Partisë Demokratike, ku Lulzim Basha pas falenderimit për mbështetësit këndoi Himnin Kombëtar.<br /><br />Qytetarëve i tha se nga beteja e nisur me ta nuk ka më kthim pas, teksa paralajmëroi një valë të re protestash në mbarë vendin.<br /><br />Pas fjalës së mbajtur përpara selisë blu, Basha në një takim që zhvilloi me përfaqësues të opozitës ndau edhe porositë e fundit, ku u kërkoi të tijëve të zbresin në zonat elektorale për të vijuar takimet me qytetarët dhe për të ndarë me ta programin e Partisë Demokratike.<br /><br />Edhe në protestën e të martës masat e sigurisë ishin të larta nisur nga informacionet që posedonte policia se protestuesit e opozitës do të tentonin të hynin në sallën e Parlamentit.<br /><br />Tv Klan
