Eduard Kukuan, eurodeputeti i qendrës së djathtë, del kundër vendimit të partisë simotër në Shqipëri për të djegur mandatet. Në një prononcim për Report TV, Kukan thotë se mandatet duhet të trajtohen me përgjegjësi.<br /><br />"Unë nuk mendoj se është një ide e mirë. Nuk pajtohem me bojkotin e parlamentit. Unë mendoj se politikanët në Shqipëri duhet t?i trajtojnë institucionet demokratike dhe mandatet që u janë dhënë nga qytetarët me më shumë përgjegjësi", thotë ai.<br /><br />Kukan bën apel për dialog politik të qëndrueshëm.<br /><br />"Jam i shqetësuar për përshkallëzimin e tensioneve politike. Kjo është një kohë kritike për Shqipërinë në drejtim të përmbushjes së reformave, por edhe në procesin e integrimit në BE. Kam përsëritur gjithmonë se Shqipëria ka nevojë për një dialog politik konstruktiv dhe të qëndrueshëm për të arritur potencialin e plotë demokratik. Situata aktuale politike duket se nuk e ndihmon vendin për të lëvizur përpara", shprehet Kukan.<br /><br />Eurodeputeti i djathtë njofton pasojën e parë: kriza politike mund të pengojë negociatat.<br /><br />"Do të ishte për të ardhur keq nëse do të shkaktonte ngadalësim në procesin e integrimit në BE. Hapja e negociatave është diçka që pritet shumica dërrmuese e shoqërisë shqiptare dhe e cila ka qenë e mundshme. Sipas mendimit tim, të gjithë politikanët shqiptarë duhet të kenë punuar 150% për tu siguruar që vendi të mos humbasë mundësinë për të hapur negociatat e anëtarësimit", thotë në prononcimin për Report, Eduard Kukan.<br /><br />Të gjithë ndërkombëtarët, të majtë e të djathtë, amerikanë dhe evropianë që janë shprehur deri më tani, nuk kanë mbështetur vendimin radikal të opozitës shqiptare për të djegur mandatet.
