Qytetarët e Përmetit dhe gjithë atyre që thotë se i kanë shkruar, Edi Rama i siguron se nuk ka asnjë plan për t'u dorëzuar pavarësisht mungesës së opozitës në Parlament.<br /><br />Edhe pse thotë se është i hapur të dialogojë me opozitën aktuale me apo pa mandate, është po kaq i hapur për të bashkëpunuar me çdonjërin prej deputetëve që do zënë vendin e tyre dhe do të jetë opozita zyrtare sipas tij.<br /><br />"I hapur për dialog me ta tani por dhe më vonë kur të jenë të pashpresë. Do bashkëpunojmë me çdo opozitë cilado qoftë ajo".<br /><br />Thotë se di arsyet përse Sali Berisha, Lulzim Basha dhe Monika Kryemadhi janë bërë bashkë.<br /><br />"Basha ka frikë nga humbja, Berisha frikë nga drejtësia dhe Monika do tepsinë".<br /><br />Por sipas Ramës, SPAK dhe BKH do të hetojë zullumet e pushtetit të djeshëm si dhe atyre të gjyqtarëve që largohen nga sistemi si të korruptuar.<br /><br />Edhe në dy intervista për mediat italiane, Rai dhe La Repubblica, Rama përsëriti se frika nga drejtësia dhe humbja e thellë në zgjedhje ka çuar opozitën shqiptare në një akt të tillë që e cilëson si tirani të pakicës.
